Посен десерт, без печење – колач со чоколадо, лешници и кокос


Посен десерт, без печење – колач со чоколадо, лешници и кокос

Време е да подготвите малку поинаков десерт и да се забавувате во кујната. Овој десерт ѝ припаѓа на категоријата со претставка „здрави“, па нема да имате толку многу грижа на совест по засладувањето.

Zdrava-torta-od-leshnici-i-chokolado-bez-pechenje-01.jpg

Потребни состојки:

Кора

  • 125g лешници
  • 100g кокосово брашно
  • Прстофат морска сол
  • 3 лажици какао во прав
  • 25 урми (претходно потопени во млака вода околу 15 минути)
  • Екстракт од ванила
  • 7-12 лажици од водата во која отстоиле урмите (по потреба)

Фил

  • 1/2 чаша путер од кикиритки
  • 2 лажици мед

Прелив

  • 80g темно чоколадо
  • 20g путер
  • 30g путер од лешници (по избор)

Начин на подготовка:

Во блендер се ставаат лешниците, кокосот, какаото, солта и се матат додека да добијат „брашнеста“ текстура.

Потоа се додаваат урмите (исцедени од вода) и екстрактот од ванила. Блендирајте додека состојките целосно не се соединат и смесата не стане леплива. Додадете вода по потреба.

Добиената смеса притиснете ја во калапот кој најдобро е да го покриете со кеса за замрзнување и ставете го во замрзнувач/фрижидер додека го подготвувате филот.

Измешајте го путерот од кикиритки со медот и прелијте ја „кората“. Најдобро би било тортата да отстои преку ноќ во фрижидер.

Растопете го темното чоколадо со путерот и прелијте го колачот. По желба декорирајте со малку течен путер од лешници.

За полесна подготовка на десертот, погледнете го видеото:

(О)Милена | Црнобело

Би можело да ве интересира:

Десерт на денот: Торта полнета со Нутела Можете ли да одолеете на сочна торта полнета со Нутела, која се топи во уста? ...
Десерт на денот: Летна торта со бисквити, без печење Кога ќе ви се пријаде благо во топлите денови – оваа чоколадна торта со бисквити...
Десерт на денот: Сладолед-торта со прелив од карамел За пролетните денови предлагаме да се „засладите“ со сладолед-торта прелиена со ...

Најчитани неделава

sonovnik-sidebar.jpg