Идеален за зимските денови: Мармалад од јаболка и варено вино
Овој алкохолен мармалад во Германија е познат и како „gluhwein jam“, а се подготвува со јаболка и варено вино.
Доколку сакате можете да подготвите и безалкохолна верзија од мармаладот со сок од грозје, но според традиционалниот рецепт овој мармалад се подготвува со вино.
Во германската кујна овој мармалад најчесто се користи како фил за колачиња за време на божиќните празници, а можете да го консумирате без страв дека ќе претерате.
За време на готвењето алкохолот речиси во целост испарува, но марамаладот сепак го задржува вкусот на виното.
Потребни состојки:
- 1.200g јаболка (или 600g јаболка и 600g модри сливи);
- 600ml црвено вино (или сок од грозје за деца);
- 200ml сок од портокал;
- 3-4 каранфилчиња;
- 1 голема лажица ванилин шеќер;
- 900g шеќер;
- сок од 1 лимон;
- 3-4 големи лажици суво грозје.
Начин на подготовка:
- Јаболката се лупат и се сечкаат на коцки (сливите се чистат од семки);
- Во длабоко тенџере се ставаат сите состојки и се ставаат на оган (имајте предвид дека мармаладот се крева додека се вари, па затоа земете подлабоко тенџере);
- Смесата се вари, со повремено мешање, сè додека не зоврие;
- Во замрзнувач се става еден мал сад (ќе биде потребен подоцна);
- Кога мармаладот ќе почне да врие, намалете ја ринглата и оставете да се вари на тивко уште 50-тина минути;
- За да проверите дали мармаладот е готов, со мала лажица се вади малку од смесата и се става во малиот сад што стоел во замрзнувач. Ако смесата не се разлева кога ќе се наведне садот, мармаладот е готов, а ако растекува, потребно е да се вари уште некоја минута;
- Откако мармаладот е готов се вадат каранфилчињата од него;
- Доколку сакате да добиете целосно еднолична смеса, можете да го ставите во блендер;
- Готовиот мармалад се собира во стерилизирани тегли и се вакумира;
- Доколку добро се затворени теглите, вака приготвениот мармалад има рок на траење од една година;
- По отворањето, потребно е теглата да се чува во ладилник.
Б. С. Б. | Црнобело
Би можело да ве интересира:
Рецепт за војнички грав – Во што е тајната на популарното јадење од поранешна Југославија?
Наместо сувомеснат производ ќе треба да користите говедско месо исечкано на коцк...
Викенд мезе: Крцкави пилешки прсти од рерна, готови за 30-тина минути
Крцкавите пилешки прсти се омилени за мезе или како предјадење, а наместо да ги ...
Викенд десерт: Чизкејк со прелив од јагоди, што не се пече
Јагодите се омиленото пролетно овошје, а со оглед што не стојат премногу долго с...
По рецептот на баба: Домашни еклери, полнети со фил од ванила и прелиени со чоколаден прелив
Дали сте љубители на домашни еклери, онакви какви што често се приготвуваа и во ...
Редена еклер торта што не се пече, со фил од јаболка и ванила
Омиленото есенско овошје се јаболката, а од оваа лесна торта сите ќе бараат парч...
Ќе барате уште едно парче: Брза торта со бисквити и афион
Од оваа смеса може да се прават и бомбици и бајадери, а оваа брза торта ќе ве ос...
Препорачуваме
Најчитани неделава
