Најлесните колачиња за празничната трпеза – чоколадни ежиња со ореви
-->
Овие колачиња се вкусни, а и мошне добро изгледаат. Освен што се лесни за подготовка, забавни се за правење, а ќе внесат шаренило и на вашата трпеза.
Ежињата се подготвуваат слично како бомбици, со таа разлика што ќе биде потребно да ги испечете и да потрошите време на декорација, но забавни се за подготвување, а особено ќе ги израдуваат и најмалите членови во семејството.
-->
Потребни состојки:
- 75 g путер (мек)
- 50g шеќер
- ½ лажичка екстракт од ванила
- 90g брашно
- 90g мелени ореви
- прстофат сол
- 200g чоколадо за готвење (или чоколадни трошки за топење)
- Чоколадни трошки за декорација
Начин на подготовка:
- Рерната се загрева на 180 степени Целзиусови;
- Путерот и шеќерот се матат со миксер додека не се добие еднолична смеса.
- Во путерот и шеќерот се додава екстрактот од ванила и се мати уште кратко време.
- Во посебен сад се мешаат брашното, мелените ореви и солта.
- Постепено, сувите состојки се додаваат во смесата од путер и шеќер и се мешаат додека не се добие меко тесто.
- Се зема по една лажичка од готовото тесто и се обликува во топче, а потоа со прстите се истегнува горниот дел за да се формира носето на ежот.
- Готовите топчиња се ставаат на претходно обложен плех и се печат околу 12 до 15 минути на 180 степени Целзиусови или додека не добијат златно кафеава боја.
- Колачињата се вадат од рерна и се оставаат да се оладат.
- Чоколадните трошки или чоколадото за готвење се топат и задниот дел на секое од ежињата се потопува во него.
- Додека сè уште е топло чоколадото, ежето се декорира со чоколадни трошки за да се добијат боцките.
- Со чепкалка за заби и со течното чоколадо се цртаат очиња и носе и ежето е готово.
Деталното упатство за подготовка погледнете го во приложеното видео:
Б. С. Б. | Црнобело
Би можело да ве интересира:
Направете вкусни чоколадни брауни колачиња со капини - прсти ќе излижете
Кога ќе се спојат вкусно црно чоколадо и капини, ќе добиете идеален десерт – чок...
Рецепт за посни колачи во форма на праски – омилениот десерт од детството
Идеални за посниот период - можете да подготвите поголемо количество, а никој не...
Викенд мезе: Крцкави пилешки прсти од рерна, готови за 30-тина минути
Крцкавите пилешки прсти се омилени за мезе или како предјадење, а наместо да ги ...
Шеќерни крофни со цимет и путер, меки како душа
Крофните со шеќер, цимет и путер се најмеките крофни што некогаш ќе ги пробате. ...
Нова верзија на рецептот на баба: Омилените божиќни гурабии со ванила и ореви
Се сеќавате на вкусните колачиња што буквално ви се топат во уста? Меки и полнет...
Рецепти за 3 брзи ролати за новогодишната трпеза
Чоко ролат со крем банани, или ролат со кокос... Изберете некои од нашите предло...
-->
-->