„Тофифи“ торта – сладок десерт поради кој ќе ја прекршите секоја диета
-->
Торта со тофи! Вкусна, преслатка, вистинска шеќерна бомба заради која ќе ја прекршите секоја диета.
Совршен спој на чоколадо, карамела и печени лешници на кој никој нема да остане рамнодушен.
-->
Доколку ги обожавате карамелите со тофи, мора да ја направите што е можно поскоро.
Потребни состојки:
За кората
- 100g путер (на собна температура)
- 160g шеќер
- Ванилин шеќер
- 180g мазно брашно
- 3 јајца
- Прстофат сол
- 40g какао + неколку лажици млака вода
- 3-4 лажици вода
За сосот од карамела
- 200g кристален шеќер
- 200ml слатка павлака
- 40g путер
За кремот
- 200g млечна чоколада
- 200g крем-сирење
- За декорација - Тофифи карамели
Начин на подготовка:
- Загрејте ја рерната на 180 степени.
- Прво, направете го колачот. Изматете го путерот со шеќерот и ванилата. Додадете јајца и добро измешајте. Додадете брашно и сол и промешајте. На крајот, додадете го какаото кое претходно сте го раствориле во млака вода (смесата треба да е малку течна) и убаво измешајте и додадете уште неколку лажици вода.
- Истурете ја смесата во подмачкан калап (со кружен пречник од 22 cm) и печете околу 20 минути. Проверете дали е испечена со помош на чепкалка. Колачот треба да биде „сунѓерест“ според текстурата, а со ладење малку ќе се стегне.
- Како втор дел, направете го сосот од карамел. Во тавче растопете го шеќерот додека не добие златна боја, но внимавајте да не ви изгори.
- Додадете ја павлаката и варете на тивок оган со постојано мешање додека целиот карамелизиран шеќер не се стопи во неа и не почне да се згуснува. На крајот, измешајте го путерот.
- Кога карамелот ќе се олади, премачкајте го преку кората што веќе ја подготвивте и оставете убаво да се излади.
- Како трет дел, растопете го чоколадото на пареа, кратко изладете го и додадете го крем сирењето. Добро измешајте и изладете.
- Намачкајте го кремот врз карамелата и украсете со Тофифи карамели.
На здравје.
-->
-->
-->
(О)Милена | Црнобело
-->
Би можело да ве интересира:
Рецепт за посни колачи во форма на праски – омилениот десерт од детството
Идеални за посниот период - можете да подготвите поголемо количество, а никој не...
Шеќерни крофни со цимет и путер, меки како душа
Крофните со шеќер, цимет и путер се најмеките крофни што некогаш ќе ги пробате. ...
Вкусни домашни чорбести јадења за 5 дена во неделата
Пет рецепти за највкусните домашни јадења кои сигурно ви ги правеле дома, а преп...
3 рецепти за деновите кога постите без масло
Шпагети со лук и сусам, вкусен ориз со лозови листови или киноа... Што можете да...
Здраво и неодоливо: Полнети пиперки со спанаќ и моцарела
Ако барате вкусно и хранливо јадење кое комбинира живописни бои, смели вкусови и...
Рецепти за 2 редени чоколадни торти што не се печат
Редена чоко-торта од бисквити и чоколаден прелив или торта со бела чоколада бана...