Традиционален шведски рецепт: Чоколадна торта која ќе ви се залепи за непцето и срцето
Замислете си вкус помеѓу брауни колаче, топол-ладен колач и чоколадна крем-пита. Така некако може да го опишеме овој чоколадно „леплив“ традиционален десерт од Шведска од кој ќе посакате парче повеќе.
Ова не е рецепт кој се подготвува „од око“. Потребно е точно да ги измерите сите состојки и доследно а го следите рецептот, со цел да биде успешен.
А резултатот ќе ви го заскокотка непцето, додека вкусот се лепи за срце.
Потребни состојки:
- 1 шолја брашно (250 ml шолја за мерење)
- 6 големи лажици какао во прав
- 1 шолја шеќер
- 2 големи јајца
- ½ чаша растопен путер
- Прстофат прашок за печиво и прстофат сол
- 2 мали лажички екстракт од ванила
Начин на подготовка:
- Загрејте ја рерната на 125 степени.
- Сите горенаведени состојки измешајте ги во подлабок сад. Внимавајте јајцата да ги изматите нежно со виљушка, не употребувајте миксер.
- Смесата ќе биде екстремно густа и многу леплива, но тоа нека не ве загрижува. Додадете само неколку капки млеко, но не премногу, смесата не смее да биде течна.
- Во калап за печење обложен со масло и хартија префрлете ја смесата и печете во загреана рерна 25 минути.
- Тортата треба да има убава кора, а внатрешноста да биде мека, чоколадна и леплива. Оставете ја добро да се олади, околу 1 час надвор и уште еден час во фрижидер.
- Декорирајте по желба со кокос, овошје, шеќер во прав, парчиња чоколади, ливчиња бадеми…
(О)Милена | Црнобело
Би можело да ве интересира:
Чоколадна баклава со крем од ф’стаци
Ако сте љубител на баклава, но и на ф’стаци, тогаш нема да можете да му одолеете...
Рецепт за крофни со шеќер како на плажа
Има ли некој што не ги сака крофните со шеќер што се продаваат на плажа? Вкусни,...
Рецепт за сочна штрудла со јаболка и цимет
Јаболка, цимет и путер - совршена есенска комбинација на која нема да можете да ...
Принцес ролат - побрза варијанта на принцес крофни
За сите љубители на принцес крофните имаме одличен рецепт за десерт - принцес ро...
Лисната пита со крушки и цимет - одличен зимски десерт
Додека трае сезоната на круши, лесно и брзо можете да подготвите еден поинаков д...
Пролетен десерт: Рецепт за лиснат ролат со јагоди
Личат на мини штрудлички од лиснато тесто, полнети со домашно зготвен фил од све...
Препорачуваме
Најчитани неделава
