Кога немате ништо благо дома: Овесни колачиња готови за 15 минути
Овие овесни колачиња се подготвуваат за 15 минути, а ќе ги снема уште побрзо. Дополнително, нема да имате никаква грижа на совест затоа што ова е здрав десерт, што не содржи ниту шеќер, ниту брашно.
Во моментите кога немате ништо благо дома, а сакате да направите нешто брзо, тогаш можете да се послужите со овој рецепт за брзи овесни колачиња, што не содржат шеќер и брашно.
За подготовка на овесни колачиња со брусница и лешници ќе ви бидат потребни околу 15 минути, а не е потребно да имате напредни вештини за готвење, затоа што целата подготовка се состои од мешање на состојките и печење.
Потребни состојки:
- 50g мелени лешници;
- 1 голема лажица прашок за печиво;
- 130g мек путер;
- 1 прстофат сол;
- 1 прстофат цимет;
- 1 јајце
- 200g овесни снегулки;
- 80g мед;
- 50g сува брусница.
Начин на подготовка:
- Рерната се загрева на температура од 180 степени Целзиусови.
- Во длабок сад се мешаат мелените лешници и прашокот за печиво. Се додава путер, сол, цимет и јајце и со миксер се мати додека не се добие еднаква смеса, или околу 1 минута.
- Со мешање со маталка се додаваат овесни снегулки, мед и брусница.
- Со супена лажица се вадат колачиња и се ставаат на плех на хартија за печење, па малку се измазнуваат.
- Колачињата се печат на температура од 180 степени Целзиусови околу 12 минути, а откако ќе се изладат се чуваат во затворен сад.
Б. С. Б. | Црнобело
Би можело да ве интересира:
Крцкави печени лепчиња со путер и лук
Ова јадење можете да го направите за појадок или вечера - ќе го обожава целото с...
Пица кроасани од лиснато тесто, готови за 30 минути
Одлични се и за ужинка и за вечера, но и да ги направите кога ќе ви се најават г...
Рецепт за божиќни путер колачиња
Внесете ја празничната магија во вашиот дом и нека замириса на превкусни путер к...
Домашни варени ѓевречиња по рецепт на стружанката Драгица
Топли, крцкави, вкусни - кој може да им одолее на домашните варени ѓевречиња?
...
Брз ролат со плазма и овошје (без печење)
Ако сте љубител на чизкејк, тогаш овој ролат без печење ќе ви се допадне, бидејќ...
„Во еден ден направив 5 тегли ајвар во стан - се прави со само 200ml масло“
„Овој рецепт ми е од тетка ми, таа го прави најубавиот ајвар“ – потенцира јутјуб...
Препорачуваме
Најчитани неделава
