Брза пролетна пита со тиквички и пршута од готово лиснато тесто (видео)
Оваа пита се прави брзо, а уште побрзо ќе се изеде. Крцкаво лиснато тесто во комбинација со тиквички, пршута и моцарела – сигурно ви звучи примамливо?
Пазарите се преполни со пролетен зеленчук, а тиквичките се меѓу омилените продукти секоја пролет.
Најчесто ги подготвуваме пржени или похувани, а овојпат можете да ги искористите за фил во оваа вкусна пролетна пита.
Потребни состојки:
- 1 лента готово лиснато тесто;
- 1 поголемо парче пршута (или повеќе парчиња);
- 150g моцарела;
- 3 помали тиквички;
- ½ главица кромид;
- Сол и масло по вкус;
- 1 жолчка од јајце.
Начин на подготовка:
- Се загрева рерната на 200 степени Целзиусови.
- Тиквичките се мијат и се рендаат, па се цедат од вишокот течности.
- Во тава, на средна температура се загрева малку масло и се става ситно исечкан кромид да се пропржи, се додаваат и тиквичките и се посолуваат по вкус. Зеленчукот се пржи кратко додека да омекне.
- Лентата лиснато тесто се растегнува и едната половина се боцка со виљушка.
- Тестото се става на претходно обложен плех со хартија за печење.
- На половина од кората се распоредува пршута, тиквички и моцарела, а потоа се покрива со останатата половина (во форма на затворена пица) и краевите се обликуваат со виљушка.
- Со нож благо се засекува готовата пита дијагонално за полесно да се испечат состојките внатре и питата се премачкува со жолчка од јајце.
- Питата се пече околу 20 минути на 200 степени Целзиусови.
Видео упатство:
Б. С. Б. | Црнобело
Би можело да ве интересира:
Пица кроасани од лиснато тесто, готови за 30 минути
Одлични се и за ужинка и за вечера, но и да ги направите кога ќе ви се најават г...
Мрсна торта со вкус на тиква – домот ќе ви мириса како кај баба на гости
Традиционалните мрсни торти секогаш ни будат доза носталгија од деновите поминат...
Рецепт за пита со џем од малини која се топи во уста – како кај баба на гости
Наликува на лења пита, се прави многу лесно, а се топи во уста со вкус на путер ...
Лисната пита со крушки и цимет - одличен зимски десерт
Додека трае сезоната на круши, лесно и брзо можете да подготвите еден поинаков д...
Рецепт за крофни со шеќер како на плажа
Има ли некој што не ги сака крофните со шеќер што се продаваат на плажа? Вкусни,...
Брзо мезе: Ролат од тиквички (полнет со сè што сакате)
Вкусно мезе на кое основата му се тиквички, а филот може да го направите по ваша...
Препорачуваме
Најчитани неделава
