Омилената салата со булгур на Џенифер Анистон е хит на социјалните мрежи – како да ја направите? (видео)
За да ја направите омилената салата на Џенифер Анистон ќе ви требаат најмногу 15 минути, а поради состојките, со неа можете да замените цел оброк.
Во интервју за Los Angeles Times, Кортни Кокс изјави дека Џенифер Анистон речиси секој ден ја јадела истата салата додека траело снимањето на култната серија Friends.
Џенифер, пак, со објава на Инстаграм Стори, откри за која салата станува збор.
Иако актерката ја сподели омилената салата пред околу една година, рецептот за истата периодов стана хит на ТикТок и социјалната мрежа е преплавена со видеа од корисници кои покажуваат како се прави.
Станува збор за едноставната салата со булгур, наут, фета сирење и краставици со која слободно можете да замените цел оброк. Исто така, можете да ја менувате количината на состојките според вашиот вкус.
Најмногу време ќе ви одземе приготвувањето на булгурот - околу 10-тина минути - а за начинот на подготовка можете да го погледнете упатството на пакувањето во коешто сте го купиле.
Потребни состојки:
- 1 шолја булгур
- ½ шолја свеж исечкан магдонос
- ½ шолја свежо исечкано нане
- ½ главица црвен кромид
- ½ шолја исечкани ф’стаци
- 1 шолја наут
- Сок од еден лимон
- ½ шолја издробено фета сирење
- 1 краставица
- Маслиново масло, сол и бибер по вкус
Начин на подготовка
- Ставете го булгурот во тенџере со 2 шолји вода и оставете го да се свари, а во меѓувреме исечете ги останатите состојки
- Откако булгурот ќе се свари, малку измешајте го со виљушка, па ставете го во голем сад, каде ќе ги додадете исечканите состојки.
- На крај само додадете маслиново масло, сол, бибер и лимонов сок и добро промешајте ги состојките.
@themodernnonna Jennifer Aniston Salad ? Let me know what other celebrity salads you want to see in the comments ❤️
♬ Little Bitty Pretty One - Bobby Day
Спирова С. | Црнобело
Би можело да ве интересира:
Препорачуваме
Најчитани неделава
