Спонзорирано од:
Спонзорирано од ОгласиЗаРабота.мк
Возач 08-08-2022
Технолог 08-08-2022


5-дневно мени: Едноставни рецепти за хранлив и вкусен ручек, ако живеете сами

Супа со њоки

Потребни состојки:

  • ½ кромид, исечкан
  • 1 чешне лук, исечкано
  • 200 грама исечкани домати
  • ½ коцка за супа
  • Околу една рака њоки (колку за една порција)
  • Малку хопла или павлака (околу 1 лажица)
  • Маслиново масло
  • Сол и бибер

Начин на подготовка

  • Запржете го кромидот со маслиново масло, сол и бибер. Додајте го лукот и пржете уште неколку минути.
  • Додајте ги доматите и околу 250 милилитри вода, па додајте ја и коцката за супа. Варете 10-тина минути – ако супата изгледа премногу густа, можете да додадете уште малку вода. Ако сте додале многу вода, варете подолго време за да испари.
  • Ставете ја мешавината со супата во блендер и изблендирајте.
  • Вратете ја блендираната супа во тенџерето, додајте ги њоките и гответе 3-5 минути, додека да се сварат.
  • На крај ставете ја супата во чинија и додајте малку хопла или павлака.

ednostavni-recepti-za-hranliv-i-vkusen-ruchek-za-eden-05.jpg

Лесен сендвич со наут

Потребни состојки:

  • 100 грама наут од конзерва
  • 1 лажичка ким во прав
  • Малку свеж исечкан коријандер
  • 1 пита лепче, потпечено на тостер или во рерна
  • Малку марула, кромид и домати (можете да искористите и друг зеленчук по ваш вкус)
  • 1 лажица хумус
  • Маслиново масло
  • Сол и бибер

Начин на подготовка

  • Загрејте ја рерната на 180 степени.
  • Ставете го наутот во тава за печење, ставете маслиново масло и зачинете со сол, бибер и ким.
  • Печете 20-тина минути, извадете ја тавата од рерна, додајте го коријандерот и измешајте.
  • Пресечете го пита лепчето на два дела и наполнете ги двете половини со смесата со наут, зеленчукот и хумусот.

ednostavni-recepti-za-hranliv-i-vkusen-ruchek-za-eden-04.jpg

Полнети печурки со праз

Потребни состојки:

  • Малку рендан чедар кашкавал
  • Свежи шампињони (бројот ќе зависи од нивната големина – 2-3 поголеми или 5-6 мали)
  • Малку издробен леб (може да искористите и засушен)
  • Малку хопла
  • Неколку кругови праз
  • Маслиново масло
  • Малку рукола
  • Сол и бибер

Начин на подготовка

  • Загрејте ја рерната на 18 степени.
  • Во сад ставете го ренданиот чедар кашкавал и добро измешајте го со хоплата.
  • Наредете ги печурките на тава за печење и ставете малку маслиново масло врз нив. Додајте ја смесата со кашкавал и хопла, па додајте го и издробениот леб.
  • Наредете ги круговите праз на печурките, па ставете уште малку масло и бибер.
  • Печете околу 20 минути, односно додека печурките не се зготват.
  • Послужете со малку рукола.

ednostavni-recepti-za-hranliv-i-vkusen-ruchek-za-eden-03.jpg

Спирова С. | Црнобело



Би можело да ве интересира:

Редена торта со јагоди – за кога немате ништо благо во фрижидер Сезоната на јаготки треба да се искористи максимално, па ова е уште еден сладок ...
Два брзи и лесни рецепти кои вреди да ги послужите на посната трпеза за Св. Никола За Св. Никола, другите посни слави или во кој било друг ден, вреди на трпезата д...
Пролетна крем салата со краставици – идеална за со велигденски ручек За време на велигденските празници во изобилство може да се најдат ротквици, мла...

Најчитани неделава

sonovnik-sidebar.jpg