Освежителни коцки со лимон и боровинки

Освежителни коцки со лимон и боровинки – совршен летен десерт

Слатки и по малку киселкасти, овие освежителни коцки се одлични за десерт или како закуска кога сте во движење.

Плус, една од состојките е омилената суперхрана и еден од најдобрите антиоксиданти за телото и умот: боровинките.

Потребни состојки:

1 + ¼ шолја бисквити, ситно сомелени
4 лажици стопен, солен путер
1 лажица кафеав (или обичен) шеќер
Рендана кора од 1 лимон
400 ml кондензирано млеко
½ шолја сок од лимон
1 големо јајце
1 шолја свежи боровинки

Начин на подготовка:

Загрејте ја рерната на 175 степени. Премачкајте правоаголно тавче за печење со малку масло и поставете хартија за печење.
Во подлабок сад измешајте ги сомелените бисквити заедно со путерот, шеќерот и половина од ренданата кора од лимонот. Цврсто и рамномерно натапкајте ја смесата во подготвената тава.
Печете додека не порумени малку околу рабовите, околу 10 минути. Оставете ја смесата да се излади во тавата на решетката во рерна најмалку 10 минути.
Во меѓувреме, темелно изматете го кондензираното млеко заедно со сокот од лимон, јајцето и преостанатата кора од лимон во подлабок сад. Додадете ги боровинките.
Рамномерно прелијте го филот врз испечената кора. Печете додека колачот добро не се стегне, 16 до 18 минути. Оставете да се излади на собна температура 1 час.
Покријте го и ставете го во фрижидерот уште најмалку 1 час. Исечете на коцки и уживајте во вкусот.

(О)Милена | Црнобело

Би можело да ве интересира:

3 посни рецепти без масло - вкусни јадења за божиќниот пост Брза пита од компири и праз, мусака со печурки, чорба со зелка - овие три рецепт...

Здрав посен десерт готов за 10 минути – кога ќе кризирате за благо Додека постите, ако закризирате за нешто благо, ви требаат само три состојки за ...

Ролат еклер - поинаков начин да го подготвите вашиот омилен десерт За сите љубители на еклери, денес подготвивме рецепт кој е подеднакво вкусен, а ...