Сочни тестенини во сос од домати со вотка, по рецептот на Џиџи Хадид
Тестенини со вотка? Зошто да не... Оние што го пробале рецептот се изненадени од вкусот и велат дека ќе го подготвуваат и во иднина.
Пред да остане бремена со нејзиното дете, Џиџи Хадид го сподели рецептот за нејзините омилени тестенини со вотка. Тестенините се омилен оброк за сите генерации, но овој рецепт е наменет само за возрасни.
Обично на сосовите им се додава вино или пиво, а овој рецепт вклучува вотка, но во минимални количини. Исто така, доколку сакате, можете вотката сосема да ја изоставите.
Рецептот е споделен од една од најубавите жени во светот и беше вистински хит, а погледнете како можете да го подготвите сами.
Потребни состојки (за 2 порции):
- 60ml маслиново масло;
- ¼ млад кромид (исечкан);
- 1 мало чешне лук (исечкано);
- 50ml доматен сос;
- 120ml павлака за готвење;
- 1 голема лажица вотка;
- 1 лажичка буковец;
- 225g тестенини;
- 1 голема лажица путер;
- 25g рендан пармезан;
- Сечкан босилек;
- Сол и бибер (по вкус).
Начин на подготовка:
- Во поголемо тенџере се загрева маслиновото масло, се додаваат кромидот и лукот и се готват додека да омекнат;
- Се додава сосот од домати и се готви додека да потемни, па потоа се додава слатка павлака и се меша, па се додава вотката и се готви додека да испари течноста;
- Се додава буковец (по вкус), и мешате додека сите состојки да се соединат, па додавате сол и бибер;
- Сосот се става настрана да се олади;
- Во длабок сад се варат тестенините според упатството, а во посебен сад се собира околу ¼ од водата во која се вареле;
- Сосот се враќа на средна температура на рингла и се додава путерот за да се стопи со постојано мешање, додека не се добие сосема кремаста смеса;
- По ова се додаваат тестенините и водата во која се вареле. Се додава ренданиот пармезан и се меша, а по потреба може да се додаде сол и бибер;
- Тестенините се декорираат со рендан пармезан и исечкан босилек.
Б. С. Б. | Црнобело
Би можело да ве интересира:
Предлог рецепти за божиќните пости – вкусни оброци без месо
Што да јадете кога постите? Подгответе некои од овие вкусни рецепти, што ќе ви д...
Колач со вишни, по рецептот на нашите баби
Ако носталгијата има мирис и вкус, тогаш сигурно потсетува на колачот со вишни ш...
Макарони во сос од тиква и морско оревче - вкус кој асоцира на есен
Најубавите есенски вкусови споени на едно место - тиква, морско оревче и тестени...
Рецепт за крофни со шеќер како на плажа
Има ли некој што не ги сака крофните со шеќер што се продаваат на плажа? Вкусни,...
Колач медено срце - посен десерт чиј вкус потсетува на детството
Брз, едноставен и со вкус кој ќе ви врати носталгија - колачот Медено срце е нав...
Рецепт за пилешко полнето со печурки и пармезан
Ако досега не сте зготвиле пилешки гради на овој начин, пробајте ги веднаш - нем...
Препорачуваме
Најчитани неделава
