Слатко, кремасто и меко – пудинг колаче кое ќе го обожавате
Совршена, кремаста, чоколадна текстура и сладок вкус кој ќе го обожавате. Никој нема да може да му одолее на овој рецепт, совршен за летниот временски период, бидејќи е лесен и вкусен.
Подгответе го уште денес и бидете спремни да видите испразнета тепсија за многу кратко време.
Потребни состојки:
За кората
Ова се количините на состојки за еден слој на кора, вам ќе ви бидат потребни две исти кори.
*Наместо да направите две исти кори, можете едната да ја преполовите, доколку не е премногу тенка.
- 6 јајца
- 110g шеќер
- 5 лажички какао во прав
- 100g меко брашно
- 1 прашок за печиво
- 150ml млеко
- 150ml масло
- 2 реда темно чоколадо
За чоколадниот крем пудинг
- 850ml млеко
- 2 пакетчиња прашок за пудинг со вкус на чоколадо
- 90g шеќер
- 100g млечна чоколада
За крем пудингот од ванила
- 850ml млеко
- 2 пакетчиња прашок за пудинг со вкус на ванила
- 90g шеќер
- 1 ванилин шеќер
- 125g путер
Начин на подготовка:
- Одвојте ги белките од жолчките. Во белките додадете прстофат сол и измешајте ги во цврст пенест снег.
- Во друг сад, изматете ги жолчките со шеќерот. Додадете какао, кратко измешајте, па додајте млеко и масло. Потоа додадете брашно и прашок за печиво и сè лесно измешајте. Додадете 2 реда стопено чоколадо.
- Помешајте ја подготвената смеса со првичната подготвена од белки.
- Смесата истурете ја во подмачкан и набрашнет калап за печење (25 × 35 cm) и печете 15-20 минути на температура од 180 C. Проверете ја со чепкалка додека добро не се испече тестото.
- Двата крема се подготвуваат според упатството на ќесичките, со тоа што ќе ги додадете наведените состојки од рецептот дополнително во нив. Чоколадниот крем се подготвува на истиот начин како и кремот од ванила, само во првиот (кремот од чоколадо) се додава кршено млечно чоколадо, а во вториот (кремот од ванила) путер и ванилин шеќер.
- Врз првата кора прелијте го прво чоколадниот крем. Оставете малку да се стегне (неколку минути) па додадете го врелиот крем од ванила. На крајот додадете ја втората кора.
- Може да го прелиете колачот со чоколаден прелив по желба. Пред сервирање, изладете го колачот прво на собна температура, а потоа во фрижидер.
(О)Милена | Црнобело
Би можело да ве интересира:
Рецепт за крофни со шеќер како на плажа
Има ли некој што не ги сака крофните со шеќер што се продаваат на плажа? Вкусни,...
Лисната пита со крцкави компири - ќе барате парче плус
Оваа солена пита со префинет и неодолив вкус, е совршена за брза и вкусна вечера...
Принцес ролат - побрза варијанта на принцес крофни
За сите љубители на принцес крофните имаме одличен рецепт за десерт - принцес ро...
Здрава ресана торта, подготвена во блендер
Портокал, чоколадо, јаворов сируп, ванила... оваа торта е вистински здрав делика...
Мрсна торта со вкус на тиква – домот ќе ви мириса како кај баба на гости
Традиционалните мрсни торти секогаш ни будат доза носталгија од деновите поминат...
Рецепт за сочна штрудла со јаболка и цимет
Јаболка, цимет и путер - совршена есенска комбинација на која нема да можете да ...
Препорачуваме
Најчитани неделава
