Направете чоколадна торта во микробранова печка – вкусен десерт готов за 10 минути (видео)

За да ја направите оваа торта ќе ви требаат само 10 минути и микробранова печка.

napravete-chokoladna-torta-vo-mikrobranova-pechka-vkusen-desert-gotov-za-10-minuti-video-01.jpg

Знаевте ли дека можете да направите вкусен десерт само со помош на микробрановата печка?

За да направите чоколадна торта ќе ви требаат неколку едноставни состојки, а целата подготовка, заедно со „печењето“, нема да ви одземе повеќе од 10-тина минути.

Потребни состојки

За тортата:

150g сенаменско брашно
100g шеќер
90g несолен путер, растопен
60g какао
2 лажички прашок за печиво
380ml топла вода

За чоколадниот прелив:

150g темно чоколадо
150ml крем за готвење

Начин на подготовка:

Ставете ги брашното, шеќерот, какаото и прашокот за печиво во голем сад и измешајте ги.
Додајте ги растопениот путер и топлата вода и мешајте додека не добиете хомогена смеса.
Во сад погоден за микробранова печка ставете хартија за печење, па внатре истурете ја смесата за тортата.
Ставете ја тортата во микробранова 5-6 минути на 400 вати.
Препорачливо е да ја проверите тортата една минута порано со чепкалка за заби – боцнете ја и ако чепкалката е сува, тоа значи дека тортата е готова. Ако чепкалката е влажна, оставете ја тортата уште една минута, па повторно проверете ја со чепкалка.
За да го направите преливот, искршете го темното чоколадо во сад погоден за микробранова печка и додајте го кремот за готвење.
Ставете ја смесата во микробрановата печка околу една минута, а потоа добро измешајте.
На крај извадете ја тортата од садот и прелијте ја со чоколадниот прелив.

View this post on Instagram

Спирова С. | Црнобело

Би можело да ве интересира:

Рецепт за оригинална грчка бугаца - Крцкава, сочна и полна со фил од гриз Не е класична блага пита, а е едно од омилените печива за појадок на Грците. Сте...

Торта со пудинг, јагоди и банани - готова за 10 минути Ако не можете да почекате тортата да се излади и стврдне за да ја пресечете на п...

3 посни рецепти без масло - вкусни јадења за божиќниот пост Брза пита од компири и праз, мусака со печурки, чорба со зелка - овие три рецепт...

Посно гравче со спанаќ и домати - вкусен ручек што ќе го обожаваат сите Постојат две опции да го подготвите овој рецепт - првата е да го оставите гравче...

Ролат еклер - поинаков начин да го подготвите вашиот омилен десерт За сите љубители на еклери, денес подготвивме рецепт кој е подеднакво вкусен, а ...