Слатко, здраво и вкусно – брзи бомбици од афион, мелени бисквити и малини
Овие бомбици се посни, слатки, се прават многу лесно и брзо, и претставуваат одличен десерт за кога ќе ви се пријаде нешто слатко, а не сакате да внесете премногу калории.
Неодоливиот вкус со себе го носи малината во средината. Бомбиците се меки, малината во средината дава сочност, а чоколадната глазура е мека и нежна. Време е да ги направите уште денес:
Потребни состојки (за 24 бомбици):
- 100g мелен афион
- 100g шеќер
- 1 ќесичка ванилин шеќер
- 2 лажици гриз
- 300ml растително млеко (може бадемово, овесно, соино … по избор)
- 300g посна мелена плазма
- свежи малини или друго овошје по избор
Глазура:
- 200g темно чоколадо
- 1 лажица масло
Начин на подготовка:
- Во подлабоко тенџере се става афионот, шеќерот, ванилиниот шеќер, гризот и растителното млеко и се варат на рингла;
- Сите состојки се мешаат повремено на средна температура и кога смесата ќе се згусне (по околу 10 минути), се додава ја мелената посна плазма и се меша за да се соедини смесата. По желба и потреба може да се додаде уште малку плазма;
- Добиената смеса се остава да се излади на собна температура;
- Од смесата се одвојува количина со голема лажица, а во средината се става малина, па се формира топка (имајте предвид дека смесата е малку леплива, но добро се соединува);
- Добиените топчиња се оставаат во ладилник најмалку 1 час, за да се стегнат малку;
- Темното чоколадо се топи на пареа и се маша со маслото и бомбиците се прелеваат со него;
- Потоа повторно се враќаат во ладилник за да се вцврсти и да се олади чоколадата.
(О)Милена | Црнобело
Би можело да ве интересира:
Торта со пудинг, јагоди и банани - готова за 10 минути
Ако не можете да почекате тортата да се излади и стврдне за да ја пресечете на п...
Ролат еклер - поинаков начин да го подготвите вашиот омилен десерт
За сите љубители на еклери, денес подготвивме рецепт кој е подеднакво вкусен, а ...
Мек колач со малини, вкус кој потсетува на детството кај баба
Потсетува на колачот со вишни што ви го подготвуваа бабите, но иако не е потполн...
Посно гравче со спанаќ и домати - вкусен ручек што ќе го обожаваат сите
Постојат две опции да го подготвите овој рецепт - првата е да го оставите гравче...
Лазањи со спанаќ и сочно пилешко - полесна верзија на ручекот што го обожавате
Ова лесно јадење брзо ќе ве засити, но нема да сакате да престанете по само едно...
Здрави Сникерс бомбици – се прават за 5 минути кога немате благо дома
Здрави енергетски бомбици кои се експлозија од вкусови кои потсеќаат на Сникерс ...
Препорачуваме
Најчитани неделава
