„Хармоника чипс“ – новиот хит рецепт на социјалните мрежи за најкрцкави домашни компирчиња
Доколку сте љубител на зачинет чипс овој рецепт е само за вас. Изгледаат многу комплицирано, а всушност се мошне лесни за приготвување.
Во последниот период ТикТок е мрежата каде масовно се шират голем број рецепти. По рецептите за салатите „Зелена божица“ и „Секси девојка“, нов тренд е приготвувањето компирчиња во форма на хармоника.
Најверојатно ќе ви биде потребно да се обидете за да го усовршите засекувањето на компирчињата, но на крај трудот се исплати, затоа што ќе добиете зачинети грицки со крцкав надворешен дел и мека внатрешност.
Можете да ги приготвите како грицки за опуштена вечер со пријателите или кога сакате да уживате во добар филм.
Потребни состојки:
- 6 големи (издолжени) компири;
- 75g путер (стопен);
- 3 лажици маслиново масло;
- 1 лажичка лук во прав;
- 40g изрендан пармезан (по желба);
- 2 лажици ситно исечкан магдонос;
- Сол (по вкус).
Начин на подготовка:
- Во тенџере се става вода да се загрее и потоа се префрла во подлабок сад;
- Компирите се лупат и се сечат на кругови со дебелина од околу 1cm. (Не се користат кружните делови од компирот, само средишните, прави парчиња);
- Секое парче се става меѓу две стапчиња за ражничи и се засекува хоризонтално до половина од дебелината на парчето;
- Потоа секое парче се превртува и се засекува дијагонално;
- Низ парчето компир се протнува стапче за ражнич и компирот се истегнува за да се добие форма на хармоника;
- Рерната се загрева на температура од 200 степени Целзиусови;
- Готовите парчиња компир се ставаат во садот со топла вода, да отстојат од 10 до 15 минути;
- Во друг сад од путерот, магдоносот, лукот и солта се прави премаз;
- Компирите се сушат на салфета, а потоа се редат на плех обложен со хартија за печење;
- Секое парче со четка се премачкува со намазот од путер, лук и магдонос од двете страни;
- Компирите се печат не температура од 200 степени Целзиусови околу 25 минути;
- Доколку сакате можете да им додадете и изрендан пармезан и да ги печете уште 5 минути.
Видео упатство:
Б. С. Б. | Црнобело
Би можело да ве интересира:
Кремаст Фереро Роше тарт - ќе барате парче плус
Се подготвува брзо, со корнфлекс, а токму тој му го дава крцкавиот шмек што го и...
Рецепт за оригинална грчка бугаца - Крцкава, сочна и полна со фил од гриз
Не е класична блага пита, а е едно од омилените печива за појадок на Грците. Сте...
3 посни рецепти без масло - вкусни јадења за божиќниот пост
Брза пита од компири и праз, мусака со печурки, чорба со зелка - овие три рецепт...
Здрав посен десерт готов за 10 минути – кога ќе кризирате за благо
Додека постите, ако закризирате за нешто благо, ви требаат само три состојки за ...
Вкусна пита со боровинки и лимон
Без оглед дали ќе ја правите со свежи или замрзнати боровинки, оваа пита ќе има ...
Ролат еклер - поинаков начин да го подготвите вашиот омилен десерт
За сите љубители на еклери, денес подготвивме рецепт кој е подеднакво вкусен, а ...
Препорачуваме
Најчитани неделава
