Го зголемуваат либидото, заменуваат оброк – 4 рецепти за смути што ќе ви помогнат да го започнете денот полни со енергија

Денот можете да го започнете со здраво смути, во кое ќе искомбинирате повеќе здрави продукти. Погледнете 4 рецепти за смути пијалаци, кои помагаат за зголемување на либидото, го зајакнуваат инмунитетот и заменуваат оброк.

Нека утрото ви започне со витаминска бомба. Подготовката на здраво смути нема да ви одземе многу време, а вашиот дневен внес на здрави производи ќе биде задоволен.

Во прилог неколку рецепти кои се практични и лесни, а заменуваат цел оброк.

Енергетска бомба

Одлично смути за да го започнете денот. Овој рецепт во себе содржи прав од корен на мака, која е многу хранлива состојка за мозокот, дава дополнителна енергија со правилно конзумирање, а воедно и го зголемува либидото кај мажите и жените.

Не се препорачува кај доилки и луѓе кои имаат проблеми со тироидната жлезда.

Состојки:

• 1 банана;
• 3 урми;
• 1 лажичка мака во прав;
• 150g бадемово млеко без шеќер;
• 1 лажичка чиа семе;
• 1 лажичка агаве сируп;
• 3 коцки мраз.

Подготовка:

Бананата се сечка на кругови и се става во блендер. Се додаваат урмите, агаве сирупот и правот од мака.

Се додава млеко и мраз и сите состојки се блендираат. (Доколку вашиот блендер не е наменет за мраз, истиот може да го додадете откако ќе создадете блендирана содржина.)

Послужете во голема чаша и уживајте во вкусот кој ќе ви даде енергија за целиот ден!

Антиоксидант смути

Ова смути е дава свежина во утринските часови и е одличен извор на антиоксиданти, а се подготвува мошне лесно и брзо.

Состојки:

• 1 лист од кељ;
• 1 зелено јаболко;
• ½ цеден лимон;
• ½ авокадо;
• 150мл кокосова вода;
• 3 коцки мраз.

Подготовка:

Сите состојки се сечкаат на парчиња и се ставаат во блендер.

Се додава кокосовата вода заедно со мразот и сите состојки се мешаат во блендер.

Супер смути

Спирулината е сино-зелена алга, богат извор на витамини, минерали, ензими, протеини и аминокиселини. Најчесто се користи како антиоксидант, како и стимуланс за зајакнување на имунитетот, влијае на срцето како и дигестивниот систем.

Се препорачува за детоксикација на организамот, за спортисти, како и на бремени жени кои имаат недостиг на железо. Ова е одилен рецепт за смути, во кое можете да додадете и спирулина прав.

Состојки:

• 3 смокви;
• 2-3 ливчиња марула;
• нане;
• 1 банана;
• 1 лажичка мед;
• 1 лажичка спирулина прав;
• 150гр оризово / бадемово млеко;
• 3 коцки мраз.

Подготовка:

Сите состојки се сечкаат на парчиња и се ставаат во блендер.

Се додаваат спирулина правот и медот, млекото и коцките мраз и сите состојки се мешаат во блендер.

(Доколку вашиот блендер не е наменет за мраз, истиот може да го додадете откако ќе создадете блендирана содржина.)

Тоник смути

Кокосовата вода не содржи никакви масти, туку природен шеќер и минерали, а богата е со магнезиум, калиум и влакна кои го подобруваат варењето на храната. Како да подготвите вкусно смути со кокосова вода?

Состојки:

• ½ авокадо;
• 100g краставица;
• Неколку ливчиња рукола;
• 1 лажичка исцеден сок од лимета;
• Половина чаша исцеден цитрон;
• Неколку ливчиња нане;
• 80g кокосова вода;
• 2 коцки мраз.

Подготовка:

Зеленчукот и овошјето се мијат, лиметата и цитронот се цедат за да се олесни постапката.

Сите состојки се сечкаат на парчиња и се ставаат во блендер.

Се додава кокосовата вода со мразот и се мешаат додека не се добие изедначена смеса. 

М.У.Т | Црнобело

фото: pexels.com/ pixabay.com/ freepik.com