Крцкав и вкусен домашен начос според рецепт на македонска блогерка (видео)
Како да подготвите здрав начос во кој ќе може да уживате без грижа на совест додека ги гледате најновите серии? Подготвени од здрави семки и зачини, овие домашни начоси направени според рецептот на македонска блогерка брзо ќе ви станат идеална замена за чипс.
Елена Каракашов е Македонка која веќе неколку години живее во Франција и многу често низ нејзините објави на Инстаграм нѐ носи на прошетки низ убавините на Франција.
Освен што е тука за да ни ги покаже убавините на Југот на Франција, каде што живее, Елена најмногу ужива во готвењето, па главната цел на нејзиниот профил на Инстаграм е да споделува вкусни и лесни рецепти направени по нејзин вкус.
Таа има многу следбеници кои секојдневно уживаат во нејзините вкусни креации, а еден од нејзините рецепти за домашен начос ги воодушеви сите.
Ова е одличен рецепт за здрави грицки што можете да ги послужите ако имате гости или пак за да уживате додека гледате некоја серија или филм на Нетфликс.
Потребни состојки:
- 180g пченкарно брашно;
- 2 лажички сол;
- 30g сусам;
- 30g сончоглед;
- 30g семки од тиква;
- 15g афион;
- 15g ленено семе;
- 1 лажичка куркума;
- 1 лажичка кумин (по желба);
- 60g маслиново мсло;
- околу 140g вода (се додава постепено).
Начин на подготовка:
- Рерата се загрева на температура до 170 степени Целзиусови;
- Сите состојки се ставаат во еден сад и се мешаат додека не се добие хомогена смеса;
- Готовото тесто се префрла на хартија за печење премачкана со масло, па се поклопува со уште еден слој хартија за печење и се истегнува со сукало (тестото се развлекува колку што можете потенко);
- Кората се пече во претходно загреана рерна на 170 степени околу 25 минути;
- Се остава да се олади, па се крши на парчиња;
- Послужете за мезе со вашеото омилено доматно пире, хумус, или едноставно за појадок заедно со јајца на око, авокадо, домат.
Видео постапка:
M. Г. | Црнобело
Би можело да ве интересира:
Препорачуваме
Најчитани неделава
