Најлесниот чоколаден колач – ви требаат само Нутела, брашно и јајца
Ако ви се јаде нешто благо или ви дојдат ненајавени гости, овој колач со само три состојки е одличен избор за десерт.
Обично правењето торти и колачи одзема многу време. Покрај печењето, треба и да ја подготвите смесата, а потоа и да ги измиете многуте садови.
Но, подготовката на овој колач трае помалку од десет минути и единствено ќе треба да почекате 40-тина минути за да се испече.
Станува збор за едноставен чоколаден колач за кој ви се потребни само три состојки – Нутела, брашно и јајца.
Секако, наместо Нутела можете да ставите друг сличен чоколаден крем, а во смесата можете да додадете и исечкани јаткасти плодови.
Најдобро е чоколадниот крем да биде на собна температура, односно потечен, за полесно да го додадете во смесата.
Потребни состојки:
- 400 гр. Нутела (или друг сличен чоколаден крем)
- 4 големи јајца
- 70 гр сенаменско брашно
Начин на подготовка:
- Загрејте ја рерната на 180 степени.
- Добро изматете ги јајцата.
- Додајте го чоколадниот крем и мешајте додека да се соединат состојките.
- Додајте го брашното и повторно добро измешајте.
- Ставете ја смесата во калап за торта (можете да искористите и калап за куглоф или длабока тава) и печете го колачот 40-тина минути на 180 степени.
- Бидејќи времето на печење може да варира во зависност од рерната, проверувајте со чепкалка за заби дали колачот е испечен.
- На крај, можете да го украсите колачот со шеќер во прав или со Нутела.
Спирова С. | Црнобело
Би можело да ве интересира:
Препорачуваме
Најчитани неделава
