Викенд ручек: Полнети компири со мелено месо и стопен кашкавал (видео)
Како да подготвите крцкави полнети компирчиња на сосема поинаков начин. Овој рецепт можете да го искористите за да подготвите нешто невообичаено за викенд трпезата.
Станува збор за рецепт што се подготвува мошне лесно и брзо, а ќе им се допадне на сите оние што го сакаат вкусот на печените компири, надополнет со мелено месо и стопен кашкавал.
Како се подготвуваат овие полнети компири?
Потребни состојки:
- 4 компири;
- Сос од домати;
- Масло;
- 1/2 лажичка сол (или по вкус);
- 1 кромид;
- 280g мелено месо;
- 1 мала лажичка црвен пипер;
- 1 чешне лук (столчено или ситно исечкано);
- Магдонос;
- 180ml вода;
- 200g рендан кашкавал.
Начин на подготовка:
- Рерната се загрева на 180 степени Целзиусови;
- Компирите се лупат и се сечат на половинки, а со лажица се отстранува средишниот дел;
- Во подлабок сад се додава 1 лажица сос од домати и 2 големи лажици масло за јадење и се меша;
- Издлабените компири се ставаат во плех и се премачкуваат со мешавината од доматен сос и масло и се посолуваат и се ставаат да се потпечат 40-тина минути на температура од 180 степени Целзиусови;
- Во тава на рингла се става масло и се додава една главица исечкан кромид за да омекне, по што се додава меленото месо да се потпржи;
- Во месото се додава сол, црвен пипер, лук и се пржи додека во целост да испари течноста;
- Во длабок сад се мешаат две големи лажици доматен сос и 180ml вода;
- Компирите се вадат од рерна и се полнат со готовиот фил со мелено месо и им се додава рендан кашкавал, а водата и доматниот сос се додаваат во плехот околу компирите;
- По ова компирите се враќаат во рерна да се печат уште 15-тина минути на 180 степени Целзиусови или додека да се стопи кашкавалот.
Видео упатство:
Б. С. Б. | Црнобело
Би можело да ве интересира:
Рецепт за брзи и крцкави банички со месо, од готови кори
Секако дека нема да бидат исти како оригиналните со сукани и домашно подготвени ...
Рецепт за лесен и вкусен колач со јагоди, како кај баба на гости
Рецепт за колач кој потсетува на детството, од кој цела куќа ќе ви замириса на п...
Рецепт за две вкусни крем салати – идеални за претстојните мрсни слави
Доколку славите Митровден или друг празник во периодот до божиќните пости, имаме...
Рецепт за крцкави пица-стапчиња, за кои не треба да месите тесто
Наскоро почнува периодот на слави, па овие пица стапчиња можете да ги подготвите...
Рецепт за домашна бајадера - кралицата на малите колачи
Некои работи никогаш не излегуваат од мода и се пренесуваат од една генерација н...
Рецепт за сочен домашен ручек – печено свинско филе со компири
Сигурно се сеќавате на вкусните ручеци кај баба и мирисот од рерна додека се под...
Препорачуваме
Најчитани неделава
