6 идеи за храна која изгледа луксузно пред гости (а се прави лесно)

Топчиња од сирење со свежо грозје, зелена салата со јаболка и ореви, полнети чамци од модар домат - идеи како трпезата да ви изгледа луксузно, ако ви се смачи од обичните ордевери и шопска салата. 

Доколку сте од оние кои сакаат да експериментираат со фенси мезиња, сигурно по секоја цена ги избегнувате обичните ордевери со салама и кашкавал, како и класичните салати од типот на шопска. 

На социјалните мрежи може да се најдат стотици идеи за специјалитети, но ние издвојуваме неколку кои се подготвуваат лесно, а изгледаат интересно. 

Вреди да пробате некој од нив за следните гости: 

Ролат од сувомеснато и крем сирeње или фета сирење, на чачкалица

Топчиња од сирење со свежо грозје во внатрешноста

Обвиткајте го зрното грозје со меко сирење, посипете малку мед и наросете мелени ф'стаци и ставете да се изладат во фрижидер. Може да ги послужите цели или пресечени на пола.

Ролати со димен лосос или сувомеснато и сос по ваш избор

Наполнете тортиља со сос од павлака, парче сувомеснато или димен лосос, замотајте ја и исечете ја на ролати.

Салата од печена тиква со фета сирење, брусница и суви билки, зачинето со маслиново масло

Салата од марула, бејби спанаќ, парчиња јаболка, брусница, ореви и фета сирење, зачинето со маслиново масло и крема балсамико

Полнет модар домат

Исечете ги модрите домати на половина, по должина, отстранете ја средината и печете 25-30 минути. Наполнете со претходно зготвен зеленчук по избор и мелено месо, по желба може да додадете кашкавал, црвен домат и да сервирате со павлака и калинки.

M. M. | Црнобело