Викенд десерт: Брза крем пита со шлаг и банани што не се пече

Доколку сте од оние што сакаат да подготвуваат брзи десерти, сигурно овој рецепт брзо ќе ви биде меѓу омилените. Потребни ви се само 7 состојки и миксер.

vikend-desert-brza-krem-pita-so-shlag-i-banani-shto-ne-se-peche-01.jpg

За половина час ќе добиете десерт што речиси целосно е направен од фил, со богат вкус на ванила и банани.

Како да го подготвите?

Потребни состојки:

150g мелени бисквити;
2 големи лажици шеќер;
5 големи лажици путер;
400ml засладено кондензирано млеко;
180ml млеко по ваш избор;
2 ќесички пудинг од ванила (или банана);
480g шлаг пена;
Банани за декорација.

Начин на подготовка:

Шлаг пената се подготвува според упатството на амбалажата;
Путерот се топи на пареа;
Во длабок сад се ставаат мелените бисквити, шеќерот и стопениот путер и смесата се замесува, сѐ додека не почне да наликува на песок;
Се обложува еден плех со проѕирна фолија и во него се распоредува добиената смеса од бисквити и путер и се притиска со чаша, за да се добие цврста кора за колачот;
Готовата кора се става во ладилник или замрзнувач за да се стегне додека се подготвува филот;
Во длабок сад се ставаат кондензираното млеко, млекото и ќесичките пудинг и се матат со миксер додека да се добие изедначена смеса (ако не најдете засладено кондензирано млеко, тогаш додадете и 6 лажици шеќер во прав или по вкус);
Се додаваат 200g од готовата шлаг пена и филот се меша со шпатула додека не се добие изедначена смеса;
Готовиот фил се распоредува врз кората од бисквити и се остава во ладилник да се олади околу 2 часа;
Десертот се декорира со остатокот шлаг пена и банани исечкани на крукчиња.

vikend-desert-brza-krem-pita-so-shlag-i-banani-shto-ne-se-peche-02.jpg

Б. С. Б. | Црнобело

Би можело да ве интересира:

Рецепт за лесен и вкусен колач со јагоди, како кај баба на гости Рецепт за колач кој потсетува на детството, од кој цела куќа ќе ви замириса на п...

Рецепт за оригинална грчка бугаца - Крцкава, сочна и полна со фил од гриз Не е класична блага пита, а е едно од омилените печива за појадок на Грците. Сте...

Рецепт за две вкусни крем салати – идеални за претстојните мрсни слави Доколку славите Митровден или друг празник во периодот до божиќните пости, имаме...

Мек колач со малини, вкус кој потсетува на детството кај баба Потсетува на колачот со вишни што ви го подготвуваа бабите, но иако не е потполн...

Ролат еклер - поинаков начин да го подготвите вашиот омилен десерт За сите љубители на еклери, денес подготвивме рецепт кој е подеднакво вкусен, а ...