Потпечени шпагети „милион долари“ – омилениот брз рецепт за ручек на социјалните мрежи (видео)
Речиси и да не постои човек што не сака тестенини, а овој рецепт за потпечени шпагети со мелено месо од кои тече кашкавал е омилен на социјалните мрежи. Рецептот е идеален за оние денови кога веќе и сами не знаете што да зготвите.
Потпечените шпагети што уште се нарекуваат „Милион долари“ се хит на социјалните мрежи, а сите се сложни дека овој е еден од најдобрите рецепти за брз ручек што досега го виделе.
Идеални се за подготовка по долгиот и напорен ден на работа, а на сите ќе им се допадне комбинацијата од шпагети, мелено месо, сос и растечен кашкавал.
Како да ги подготвите?
Потребни состојки:
- 500g мелено јунешко месо;
- 1 кромид, ситно исечкан;
- 1 пиперка;
- 1 лажичка лук во прав:
- неколку чешниња лук (3-4);
- 1 пакетче шпагети;
- 1 конзерва сос од домати;
- 2 лажици путер;
- 500ml густа павлака;
- 180g рендан пармезан;
- 450g моцарела;
- 1 лажичка сол;
- ½ лажичка црн бибер.
Начин на подготовка:
- Шпагетите се варат според упатството на опаковката;
- Во друго тенџере на малку масло се динста кромидот, меленото месо и зачините;
- Кога месото ќе се пропржи се додава сосот од домати и сосот се динста уште 15-тина минути на тивок оган;
- Се зема уште едно тенџере и во него се става путер, неколку чешниња лук и се меша, па потоа се додава павлака, половина од пармезанот, сол и бибер и се вари на средна температура, додека сирењето да се стопи и да добиете сос;
- Процедените шпагети се ставаат во сосот од павлака и пармезан и се мешаат;
- Во огноотпорно тавче се ставаат шпагетите со сос, па се прелеваат со сос од домати и најгоре се распоредува моцарела и пармезан;
- Шпагетите се печат во рерна на температура од 180 степени Целзиусови околу 20-тина минути.
Видео упатство:
@whatsmomcookin Viral tiktok pasta, million dollar spaghetti. Whatever you call it, you can call it delicious! #viral #pasta #yummy #dinner #familydinner #winterrecipe #whatsmomcookin #food #cooking #winter #ReadySetLift ♬ Cooking - Oleg Kirilkov
Б. С. Б. | Црнобело
Би можело да ве интересира:
Шпагети со ракчиња во сос од домати - вкусен рецепт кој потсетува на лето и море
Имате ли навика кога одите на море, барем еднаш да седнете во рибен ресторан или...
Рецепт за шпагети со кремаст и сочен сос од шери домати, лук и пармезан
Ако сте љубител на паста со лесни, но кремасти и сочни сосови, ова е идеален рец...
Ручек готов за 30 минути: Печени компири со зачин и лосос со неодолив вкус
Компирите се варат и добро се зачинуваат, лососот се сечка на коцки и се меша со...
Лесно мезе: Крцкави „такоси“ од модри домати со крем сирење
Нов начин како да направите летно мезе со модри домати, кое е вкусно, а во исто ...
Рецепт за брзи и крцкави банички со месо, од готови кори
Секако дека нема да бидат исти како оригиналните со сукани и домашно подготвени ...
Сочно пилешко во сос од шери домати и спанаќ
Ви се јаде нешто сочно, а дома имате пилешко, но не знаете на кој начин да го по...
Препорачуваме
Најчитани неделава
