Како кај баба: Рецепт за старинската Васина торта (видео)
На нашите простори е позната како Васина торта, а овој десерт бил еден од омилените на нашите мајки и баби. Иако на прв поглед постапката можеби ви изгледа комплицирано, воопшто не е така. Само следете ги добро упатствата.
Познатата Васина торта има богат вкус од чоколада и ореви, а сокот од портокал ѝ дава и помалку освежителен вкус. Иако постапката можеби ви изгледа комплицирано, доколку детално ги следите упатствата нема да згрешите во подготовката.
На YouTube каналот Home Made Recipes е објавен старинскиот рецепт за подготовка на оваа мошне позната торта на нашите простори.
Погледнете во продолжение како се подготвува познатата Васина торта:
Потребни состојки:
Пандишпан:
- 5 јајца;
- 5 лажици шеќер;
- 5 лажици мелени ореви;
- 1 лажица брашно;
- 40g ситно изрендана чоколада;
- Прелив за кора: сок од еден портокал.
Фил:
- 200g мелени ореви;
- 100ml млеко;
- 6 жолчки од јајца;
- 125g шеќер;
- 60g црно чоколада;
- 150g маргарин (или путер);
- Ситно рендана кора од еден портокал
Шлаг:
- 6 белки;
- прстофат сол;
- 200g шеќер;
- 100ml вода;
- 1 чоколада за готвење;
- 2 лажици млеко;
- малку путер.
Начин на подготовка:
- Рерната се пушта да се загрее на 180 степени Целзиусови;
- Јајцата се делат на белки и на жолчки, па белките се ставаат во подлабок сад, се додава шеќер и со миксер се мати цврста шлаг пена;
- Во готовата пена се додава една по една жолчка и се мати со миксер;
- На крајот се додаваат оревите, брашното и ренданата чоколада и сите состојки се соединуваат со гумена шпатула или лажица;
- Пандишпанот се пече во плех обложен со хартија за печење помеѓу 20 и 25 минути на температура од 180 степени;
- Готовиот пандишпан се остава да се олади, а во меѓувреме се прави филот;
- Во едно помало тенџере се ставаат жолчките од јајце и се матат со миксер, па тенџерето се става во друго поголемо тенџере во кое има околу 2 cm вода и се загреваат на средна температура;
- Од моментот кога водата ќе зоврие, јајцата се оставаат на рингла уште 5 минути, со цел да се пастеризираат, а не да се сварат;
- Јајцата се тргаат од оган и се мешаат за да се оладат;
- Млекото се става да зоврие, а чоколадата се топи на пареа;
- Во подлабок сад се ставаат оревите и се попаруваат со врелото млеко, се додава стопената чоколада и се остава смесата да се олади;
- Во оладените јајца се додава омекнат маргарин и се мати со миксер, па се додава смесата од чоколада и ореви и повторно сѐ се мати;
- Оладениот пандишпан се вади од плех и се става на чинија, па потоа се прелева со сок од портокал и се премачкува со готовиот фил, па се остава во ладилник да се олади, додека го подготвувате шлагот;
- Во помало тенџере се мешаат водата и шеќерот и се ставаат да се варат на среден оган околу 5 минути, пришто мора да се внимава шеќерот да не се карамелизира;
- Додека се вари водата со шеќерот (сирупот), се зема друго поголемо тенџере и во него се става околу 2 cm вода;
- Во длабок сад (метален или огноотпорен) се ставаат 5 белки и им се додава прстофат сол и се матат со миксер околу 4-5 минути;
- Кога ќе се изматат белките на рингла се става големото тенџере со вода, а во неа се става садот со белките и полека му се додава стопениот сируп од шеќер и вода и се мати со миксер;
- Шлагот се трга од оган, тортата се вади од ладилник и се премачкува со шлаг, па се враќа во ладилник на неколку часа;
- По желба можете да стопите чоколада со малку млеко и на крајот да нанесете слој врз шлагот, откако тортата убаво ќе се олади.
Видео упатство:
Б. С. Б. | Црнобело
Би можело да ве интересира:
Лесно мезе: Крцкави „такоси“ од модри домати со крем сирење
Нов начин како да направите летно мезе со модри домати, кое е вкусно, а во исто ...
3 посни рецепти без масло - вкусни јадења за божиќниот пост
Брза пита од компири и праз, мусака со печурки, чорба со зелка - овие три рецепт...
Сочно пилешко во сос од шери домати и спанаќ
Ви се јаде нешто сочно, а дома имате пилешко, но не знаете на кој начин да го по...
Здрав посен десерт готов за 10 минути – кога ќе кризирате за благо
Додека постите, ако закризирате за нешто благо, ви требаат само три состојки за ...
Ролат еклер - поинаков начин да го подготвите вашиот омилен десерт
За сите љубители на еклери, денес подготвивме рецепт кој е подеднакво вкусен, а ...
Мек колач со малини, вкус кој потсетува на детството кај баба
Потсетува на колачот со вишни што ви го подготвуваа бабите, но иако не е потполн...
Препорачуваме
Најчитани неделава
