Како да чистите риба и уште 5 трикови за во кујна со кои ќе го усовршите готвењето

Како да направите совршено пилешко и како да го искористите преостанатиот зеленчук од фрижидерот? Едноставни трикови со кои ќе ги подобрите вештините за готвење.

Без разлика колку време минувате во готвење, секогаш можете да научите некој нов трик или совет.

Како да одберете најдобро месо, кој зеленчук да не го лупите, како правилно да ја исчистите рибата?

Неколку совети од професионални готвачи што ќе ви се најдат:

Како да направите совршено пилешко?

Кога правите пилешки гради, многу е важна дебелината – месото треба да биде барем еден сантиметар дебело.

Друг важен детаљ, се разбира, се зачините кои не e доволно само да ги ставите врз месото.

За да ги впие вкусот и мирисот, најдобро е да го маринирате месото барем половина час.

Направете супа за да го искористите преостанатиот зеленчук

Со добро направена супа, слободно можете да замените цел оброк.

Ако ви останал зеленчук кој не знаете како да го искористите, едноставно, направете супа.

Можете да направите и крем-супа која сигурно ќе ве засити – сварете го зеленчукот, изблендирајте го со малку вода и додајте зачини.

Слободно мешајте разни видови масти

Обично преферираме да користиме само масло или само путер.

Но, слободно комбинирајте ги двете. На овој начин е помала веројатноста да ви изгори маслото или путерот.

Купувајте помало количество зачини

Иако сувите зачини траат многу долго, ако ги чувате долг период, нивниот вкус се менува.

Затоа, секогаш купувајте во што е можно помали количини.

Немојте да го лупите целиот зеленчук

Нема потреба да го лупите секој зеленчук бидејќи во многу намирници, лушпата може да се јаде и содржи многу хранливи материи.

Овде спаѓаат зеленчуци како краставици, тиквички, моркови, модар домат, млади компири…

Секако, само осигурете се дека добро ќе ги измиете.

Ставете лимон во оризот

Можеби звучи чудно, но лимонот може значително да му го подобри вкусот на варениот ориз.

Но, важно е кога го додавате.

Наместо да го додадете на крај или пред јадење, ставете малку лимонов сок во водата додека го варите оризот.

Внимателно чистете ги слатководните риби

Слатководните риби треба да се чистат потемелно, најмногу бидејќи поголема е веројатноста да биле во контакт со земја.

Исто така, секогаш почнувајте го чистењето од опашката и движете се кон главата.

Кога станува збор за готвење, слободно додавајте зачини, но и печурки како прилог кои можат да го збогатат вкусот.

Спирова С. | Црнобело