Намирници кои го намалуваат мирисот на кромид во устата

Никој не сака да се лиши од вкусните парчиња кромид во свежата салата, но непријатниот здив потоа честопати знае да ве предомисли.

За да не чепкате по чинијата тргајќи ги парчињата кромид, откако ќе се најадете, напијте се или каснете нешто од следнава листа:

1. Зелен чај

Богат со полифенол, антиоксиданс кој го спречува развојот на бактерии во устата.

2. Свежи зачини

Одличен избор се ливчињата магдонос, ментол, копар, босилек или рузмарин. Со нивно џвакање инстантно го намалуваат непријатниот мирис во устата.

3. Јаболков оцет

Во една шолја со вода додадете половина лажица јаболков оцет и со мешавината правете гаргара.

4. Млеко

Маснотиите во млекото кога доаѓаат во допир со мирисот од кромидот, делуваат како средство за плакнење на устата. Користете полномасно млеко.

5. Зачини

Џвакајте цели семки или парчиња од ароматични зачини како кардамом, анасон или каранфилче непосредно по консумирањето на кромид.

М. Д. | Црнобело