„Од накит ретко носам бижутерија поради алергија и сакам квалитетни часовници и фин накит. Особено ме инспирира естетиката на Van Cleef & Arpels и Cartier – парчиња што се безвременски. Со текот на времето сфатив дека чантите, без разлика на цената, се инвестиција што лесно се оштетува“, вели Даниела од Скопје.

„Дојдовме во Крушево, излегов од комбето и таму имаше автобус со деца од школо, дојдени на екскурзија, имаа по околу 10 години. И коментирам со менаџерката ‘Нема шанса да знаат кој сум’. Поминувам покрај нив и тие сите починаа на глас да ја пеат “Ја волим“. Останав без текст“, раскажа Јаков за CRNOBELO.com.

„Сè почесто има барања за царски рез по избор, но тоа е сериозна операција. А има и такви кои по секоја цена сакаат природно. Кога главата на бебето веќе е ниско и породувањето е во завршна фаза, тогаш најчесто е предоцна за епидурална. Погрешното туркање може да доведе до исцрпеност“ - д-р Адела Стефанија, гинеколог акушер за CRNOBELO.com разјаснува дилеми за бременост и породување. 

И Македонија има врвни алпинисти! Илија Циривири (35) професор на Факултетот за драмски уметности, заедно со Мартин Пејоски, ја искачи „Supercouloir“ - една од најпознатите и најтешки алпинистички насоки на Монт Блан. „Во еден момент дојде невреме, бура од снег и ветер која и нè потсети дека всушност сме го искачиле и она за кое дојдовме“, вели Илија за CRNOBELO.com.

„Церебралната парализа e оштетување на мозокот, а кај неа настана како последица на крварење при тешко породување“, вели Светлана Иванова за ќерка си Светлана и ја споделува нивната емотивна приказна, полна подеми и падови.

„Денешниот човек се осамува, свртува кон себеси. Нема место за другиот. Затоа е многу важно семејството, бракот меѓу еден маж и една жена, да опстои како концепт“, вели Отец Бобан Митевски за CRNOBELO.com и открива дали Македонците се верници, а зборува и за велигденските пости.

„Мамографијата не е штетна за жени кои немаат родено. Тоа е чест мит кој создава непотребна загриженост. Но, кај помлади жени, дојката е погуста и ултразвукот дава подобра информација и затоа мамографија не е прв избор во 20-тите и раните 30-тите години“, вели д-р Маја С. Чрчева, радиолог со 15 години искуство.

„Нашата приказна започна сосема неочекувано на Инстаграм. Мандар, во негов стил, ми пиша некоја шега на едно мое Инстаграм Стори и така почна нашата комуникација. Моментално сум во шестиот месец од бременоста и чувството дека расте една мала принцезичка во мене е нешто што навистина не може да се опише со зборови“, споделува Дариа Стефановска (28) од Скопје за љубовта со Мандар.

„Моите највпечатливи изданија биле на модни настани во Париз, како и на луксузни вечерни случувања во Германија, каде сакам да експериментирам со архитектонски кроеви и драматични силуети“, вели Милјана Ѓуровска (46), која е родена во Македонија, а живее во Германија.

„Најтежок беше денот кога дознав за спонтаниот абортус и денот кога требаше да ми прават киретажа, особено за првата загуба. Тој ден кога дознав го поминав во плачење и во молитва. Дури имав надеж дека нешто ќе се смени“, вели Климентина Јовановска за CRNOBELO.com, која денес има три дечиња.

„Мајка ми и баба ми ми ја шиеја главната венчаница со месеци за мене, беше инспирирана од иконската Грејс Кели, со рачни везови и ми требаше 1 час само за да ја облечам“, вели Сандра Матеска за CRNOBELO.com која имаше свадба во Бордо, достојна за кралско семејство.

„Сопругата и нашите четири деца ја делат мојата страст. Бришењето прашина е голем проблем, но среќа имам повеќе млади момци на располагање, па со дебели четки за шминка четкаат околу...

„Испешачивме 111 километри за да се чуе нашиот глас, гласот на жртвите. Првичната цел е да им кажеме и покажеме на овие жртви дека не се сами, дека ние сме тука со нив, дека верувам сите се тука за нив. Сакаме воедно и да ги охрабриме да побараат помош, да се доверат некому за да се олесни тој товар, и ако се подготвени, да ја раскажат својата приказна“, испраќа моќен апел Кирил Ангелов од Велес.

„Симптоми воопшто немаше, освен неконтролиран плач 3 дена. Koга ја дознав дијагнозата се распарчив на милион парчиња. Пред да почнеме со втората хемотерапија, Лука заврши на интензивна нега и беше зависен од респиратор. Баравме спас и лекувањето продолжи во Италија, чекав пред сала операција од 12 часа“, вели Надица (28) од Валандово за CRNOBELO.com.

„Најтешко ми беше губењето на говорот - афазијата. 3 месеци не можев да кажам ниту збор, комуницирав со мимики и погледи. Говорот ми се подобри, но кога сум многу возбудена или под стрес, знам да запнам - знам што сакам да кажам, но зборовите тешко идат“, вели д-р Весела Хистовска за CRNOBELO.com.

„Се запознавме во канцелариите нa ‘Фчерашни новости’, а најромантичната работа што ја направи Дуци за мене е кога ми нацрта графит и истиот си го истетовира“, вели Елена Романова – Петровска, новинар и водител во „Сити радио“ за љубовта со Душан Петровски, познат како „Модернизам и ренесанса“.

„Започнувањето свој бизнис во Австралија не е воопшто лесно… Денес имам мал бизнис со приколка за наполитанска пица, која целосно сам ја реставрирав од нула. Со мојата сопруга Татиана се преселивме во Бризбејн пред 4 години“, вели Оливер Наумоски (36), по потекло од Кичево, за CRNOBELO.com.

„Пред повеќе од 20 години се соочивме со стерилитет... Од блиски роднини имавме препорака за доктор кој соработува со клиника во Белград. Така млади, збунети, недоволно информирани, ајде се одлучивме на прво ин витро во Белград“, ја започнува својата приказна Јованка Апостоловска (42) од Богданци, која 23 години е во брак и денес е мајка на 6-годишните близнаци Костадин и Елисеј.