Новак Ѓоковиќ романтичен за роденденот на Јелена: „37 изгледаат како рајот“

Детали

недела, 18 јуни 2023

„37 изгледаат како рајот“, напиша Новак Ѓоковиќ на романтичните фотки со кои ѝ го честиташе роденденот на својата сопруга Јелена.

Српскиот тенисер Новак Ѓоковиќ со две романтични фотографии на Инстаграм ѝ го честиташе роденденот на сопругата Јелена. Таа на 17 јуни наполни 37 години.

На приватните фотографии, Ноле и Јелена се среќни и заљубени. Едната фотка е направена на планина покрај езеро, а другата е на егзотична плажа.

„37 изгледаат како рајот“, напиша Новак на фотките.

Јелена и Новак се заедно уште од тинејџерските години и имаат две деца, синот Стефан и ќерката Тара.

Јелена од почетокот на нивната врска му е голема поддршка на славниот тенисер, кој пак, на „Ролан Гарос“ 2023 ја освои својата 23 Гренд слем титула во кариерата и со тоа стана првиот тенисер кому му успеало тоа.

По историскиот успех, во својот говор, Новак меѓу првите на кои им се заблагодари за безусловната љубов и поддршка беа сопругата и децата.

Прочитајте и Ретки семејни фотки: Новак Ѓоковиќ ја бакнува сопругата и ги прегрнува децата, по историската победа на тенискиот терен

А. Ј. | Црнобело