Се евакуираат туристи и жители - Пожари на Крф, Родос и Евија во Грција (фото+видео)

Детали

понеделник, 24 јули 2023

„Само се спакувавме и си ги зедовме пасошите“ – велат туристи на грчкиот остров Крф кои морале итно да се евакуираат заради пожарите што беснеат таму. На социјалните мрежи се споделуваат видеа од туристите кои бегаат од одморалиштата, додека пожарникарите се борат со огнената стихија.

Во неделата попладне (23.07) изби голем пожар на грчкиот остров Крф, при што жителите и туристите од поголем број населени места беа евакуирани. Околу 59 британски туристи беа евакуирани од селото Nisaki.

Според информациите во грчките медиуми, пожарот го зафатил северниот дел од островот, при што горат големи површини шума.

Засега се евакуирани повеќе населени места како Santa, Megoula, Porta, Palaia Perithia, Sinies, Viglatouri, Nisaki, Rou, Katabolo, Kentroma, Tritsi, Kokkokylas, Sarakiniatika, Plagia, Kalami, Vlahatika и Kavalleraina.

Со бродови на крајбрежната стража, голем број жители и туристи се пренесуваат од опожарените региони.

На Твитер од утрово се споделуваат видеа од островот, па од снимките може да се види дека противпожарните служби кои пожарот го гаснеа со помош на хеликоптери и авиони успеале да ја стават состојбата под контрола.

Освен на Крф, пожари има и на островот Родос, каде е воведена вонредна состојба. На Родос пожарите траат шест дена, а силните ветрови на островот ја отежнуваат борбата со огнените јазици,

Според информациите во грчките портали, евакуирани се вкупно 12 населби: Kiotari, Gennadi, Pylonas, Laerma, Lardos, Lindos, Kalathos, Malona, ​​Asklipieio, Pefkos, Massari, Haraki.

https://www.tiktok.com/@greekcitytimes/video/7258699818808184065

Освен на Родос и Крф, пожари има и на островот Евија, каде на местото Platanisto Karystos гори шума и тревна вегетација.

На социјалните мрежи се споделуваат повеќе видеа и фотографии од ситуацијата со пожарите во Грција.

„Ова е погледот од нашата вила кога се вративме да си ги спакуваме торбите и да си ги земеме пасошите. Во моментов сме во автомобилот и се чудиме што да правиме“ – стои во еден твит.

„Крф се бори со пожарот што се шири брзо. Надреални сцени, како во апокалипси, беспомошни сме додека трае уништувањето“.

На Твитер е објавена мапа, на која се гледа каде во моментов има најголеми пожари во Грција:

Б. С. Б. | Црнобело