Автомобили во морето, домови под вода – бурата Даниел не стивнува во Грција, поплави има и во Бугарија и Турција (фото+видео)

Детали

среда, 06 септември 2023

Врнежите од дожд, кои веќе се нарекуваат историски, уште предизвикуваат поплави во Грција, а во слична положба се и делови од Бугарија и Турција. Засега се потврдени најмалку пет жртви во трите земји, а неколку луѓе се водат за исчезнати. Морничави видеа како автомобили се „проголтани“ од морето...

Бурата „Даниел“ беснее во западна и централна Грција уште од понеделникот, предизвикувајќи страшни поплави.

Во градот Волос, кој е еден од најпогодените, има и една жртва.

На социјалните мрежи се споделуваат морничави видеа, а на едно се гледаат и автомобили во морето.

„Автомобил во морето во областа Пилион. Десетици туристи и локалци се заглавени во нивните куќи. Автомобилите се поплавени, а некои се во морето“, пишува на видеото.

Прочитајте и Македонка, омажена во Волос, за CRNOBELO: „Состојбата со поплавите во Грција е ужасна, кај мене пред куќа тече река по улицата“

Но, не е само Грција, поплави има и во Бугарија и Турција предизвикани од истата бура.

Според досегашните инофрмации, јужниот брег на Црното Море во Бугарија е најпогоден. Засега има две жртви, двајца се водат за исчезнати, а над 130 луѓе биле евакуирани.

Истанбул е еден од најпогодените градови во Турција каде што улиците, но и домовите на некои луѓе се поплавени.

И во Турција има две жртви, додека четворица се водат за исчезнати.

Повеќе фотографии и видеа од бурата и поплавите на следната страница...