Карлеуша направи светски спектакл на концертот во Белград - плачеше поради ќерките, смени 10-тина аутфити, пееше на дожд

Детали

вторник, 19 септември 2023

Српската ѕвезда Јелена Карлеуша одржа концерт во Белград по теркот на светските ѕвезди. На бина ја спуштија од воздух, смени 10-тина аутфити и неколку перики, играше и пееше додека ги промовираше песните од нејзините два последни албума „Алфа“ и „Омега“.

Просторот во „Белград на вода“ вчеравечер (18.09) беше премал да ги собере сите обожаватели на Јелена Карлеуша.

Пејачката одржа концерт под отворено небо за да ги промовира песните од своите два албума „Афла“ и „Омега“.

Таа направи вистински светски спектакл – со многу танчари на сцената, преоблекуваше костуми кои беа дизајнирани специјално за шоуто, а смени и неколку перики.

На сцената дојде облечена во зелен костум од латекс, сличен како оној од спотот за песната Karly B*tch, кој беше прв спот што го промовираше од новите албуми.

Потоа следуваа уште неколку впечатливи комбинации, дополнети со впечатлива шминка и соодветна перика.

Подеднакво впечатливи беа и танчарите, но и нејзините гости на концертот.

Така, Милица Павловиќ излезе облечена во сребрен фустан, сличен на сребрениот костим кој во тој момент го носеше Карлеуша.

Освен дуетот со Милица, Јелена го испеа и дуетот со Девито.

Публиката за цело време беше во делириум, пееше и играше со неа.

Атмосферата се вжешти кога почна да врне, но и тоа не ги спречи гостите од цел Балкан да уживаат, бидејќи освен од Србија, имаше посетители од Македонија, Босна и Херцеговина, Црна Гора, Хрватска...

Јелена не ја криеше возбудата по успешниот концерт, па по крајот на спектаклот, се расплака, кога новинарите ја прашаа како реагираат нејзините ќерки на тоа што се случуваше на сцената.

„Горди се на мене. Ника дури и се расплака.  Беше многу возбудена, а очигледно и јас сум“, рече Карлеуша која не можеше да ги задржи солзите и заплака среде интервју.

@republika.zabava

#jk #jelenakarleusa #karleusastar #now #trending #republikatv #fyp #viral #nika #atina #suze #deca #emocija #creator #fy

♬ original sound - Republika Zabava

Таа најави дека концертот ќе се емитува на 6 српски национални телевизии во сабота, 23 септември.

Повеќе фотографии од концертот на следната страница...