„Мислев дека е болен“: Тончи Хуљиќ откри како сфатил дека Петар Грашо му ја завел ќерката

Детали

четврток, 23 ноември 2023

„Забележав дека нешто се случува помеѓу него и мојата ќерка во оној миг кога тој веќе немаше никакви забелешки (за мене). Што и да речам, тој вели дека се сложува“ – Тончи Хуљиќ откри како дознал дека неговиот колега Петар Грашо ја завел неговата ќерка Хана Хуљиќ.

Поминаа речиси две години откако Петар Грашо (47) објави дека е во врска со ќерката на неговиот колега Тончи Хуљиќ, Хана (32) и ја раскина долгогодишната врска со Данијела Мартиновиќ.

Во тој период Петар се најде на удар на критики заради големата генерациска разлика меѓу него и Хана, а нејзиниот татко Тончи Хуљиќ беше меѓу првите што јавно им даде поддршка и покажа дека нема ништо против неговиот долгогодишен пријател и неговата ќерка да стапат во брак.

Неодамна, Петар Грашо гостуваше во емисијата Knjazalište, а Тончи беше повикан како гостин за да каже како открил дека тој е во врска со неговата ќерка Хана.

„Јас забележав дека нешто се случува помеѓу него и мојата ќерка во оној миг кога тој веќе немаше никакви забелешки. Доаѓаме во студио, снимаме песна, и тој нема никакви забелешки.

Разговорите ни стануваат некако нормални и здодевни. Што и да речам, тој вели дека се сложува. Видов дека нешто не е во ред. Мислев дека е болен“ – вели Тончи.

Инаку, познато е дека Петар Грашо и Тончи Хуљиќ во изјавите во медиумите често знаат да се пошегуваат за нивниот однос, па така Грашо не остана должен ниту овој пат.

„Јас и тој секогаш се навредуваме, но сега Тончи има веќе 62 години и страв ми е за неговото срце ако почнам со него да се шегувам погрубо.

Тоа се веќе ранливи години и лекарите ме советуваа да бидам нежен“, рече Грашо.

За потсетување, Петар Грашо и Хана Хуљиќ се венчаа во февруари 2022-ра, а ќерката Алба ја добија во јули истата година.

Погледнете го видеото (изјавата на Тончи Хуљиќ е на 5:00):

Б. С. Б. | Црнобело