Српската претставничка за впечатоците од Евровизија 2024: „Бев еднаш и никогаш повеќе“

Детали

четврток, 16 мај 2024

Српската претставничка за првпат даде изјава за медиумите откако се врати од Шведска, истакнувајќи дека никогаш повеќе не сака да се натпреварува на Евровизија.

Српската претставничка на Евровизија 2024, Теодора Павловска, попозната како Теја Дора, синоќа за првпат се појави во јавност по нејзиното учество на натпреварот и даде изјава која изненади многумина.

Познато е дека голем број музичари кои веќе учествувале, сонуваат повторно да се вратат на евровизиската сцена, а таа даде сосема поинаква изјава.

„Полека ми се сталожуваат впечатоците. Кај публиката поминавме феноменално.

Марија Шерифовиќ ми даде совет кога ми рече: ’Само ти пројди во финале, а потоа не можеш ништо да направиш‘.

Не би се пријавувала повеќе на Евровизија.

Според мене, тоа е искуство што се доживува само еднаш. Такво нешто нема да се повтори.

Во моментов работам на нова музика и тоа ми е сега најважно“ – изјави Теја Дора.

Инаку, српската пејачка синоќа присуствуваше на промоцијата на новиот албум на нејзината колешка Теодора Џехверовиќ, за која направи една песна.

Таа рече дека ѝ е жал што Бејби Лазања не победил, но е среќна заради неговиот голем успех и второто место што го освои.

За потсетување, пејачката на Евровизија 2024 настапи со песната „Рамонда“, а на крајот успеа да се пласира на 17-тото место.

Многумина беа изненадени кога таа успеа да влезе во финалната вечер, затоа што нејзината песна не котираше добро на евровизиските обложувалници претходно.

Прочитајте и Се грижела за него пред смртта, му го посвети најголемиот хит – Фотки од детството на Теја Дора со татко ѝ Драган Павловски

Б. С. Б. | Црнобело