Пред гласините за врска со Шерифовиќ, Јована Пајиќ беше мажена со Сале Тропико: „Ќе завршев во болница ако не се разведев“

Детали

четврток, 15 август 2024

„Се разведовме на моја иницијатива, но беше многу тешко. Си помислив, ако некој ги праша децата како е мама, што ќе кажат? Дека седам дома во пењоар, со цигара и гледам низ прозорецот со празен поглед. Таа слика ме прогонуваше“, вели пејачката која 10 години беше во брак со Сале Тропико.

Пејачката Јована Пајиќ веќе неколку недели е меѓу главните теми во српските медиуми.

Причината за тоа не е нејзината кариера, на која ѝ се врати по две години пауза, туку гласините дека е во љубовна врска со Марија Шерифовиќ.

Овие озборувања почнаа откако двете пејачки открија дека биле заедно на одмор.

Но, дополнително ги подгреа изјавата на Јована, која на прашањето како си поминале на одморот, рекла дека „тоа е нивна приватност и интима, па не сака да споделува детали“.

Пред наводната врска со Шерифовиќ, Пајиќ 10 години беше во брак со Александар Цветковиќ, познат како Сале Тропико, со кого има 2 ќерки.

Додека беа заедно, не ги следеа скандали и имаа складен брак, поради што и ја изненадија јавноста кога открија дека се разделуваат.

Тие се разведоа кон крајот на 2021, но и понатаму продолжија да бидат пријатели.

Сега, во интервју за Story, Јована раскажа за нивниот љубовен крах.

„Разводот навистина беше тежок, особено што морав да останам стабилна поради ќерките, а се чувствував сосема спротивно од тоа.

Иако се разведовме на моја иницијатива, ми беше многу тешко. Моите родители се и сега во брак, а кога јас се мажев, имав идеја дека тоа ќе биде засекогаш.

Кога останував сама размислував дали може да поправам нешто, да му дадам шанса на бракот.

По 10 години брак, сфатив дека не можам да живеам вака ни во следните 5 години, камо ли 20-30.

И дека ако не направам нешто, ќе се разболам и ќе завршам во болница.

Луѓето велат дека остануваат во лош брак поради децата, но ако нешто треба да направите за нив, е да ги тргнете од таа нездрава приказна, за утре да не мислат дека бракот треба да изгледа така.

Психички потонав пред да решам да се разведам. Си помислив, ако некој ги праша децата како е мама, што ќе кажат?

Дека седам дома во пењоар, со цигара и гледам низ прозорецот со празен поглед. Таа слика ме прогонуваше, па решив да сменам нешто.

Една пријателка ми рече дека моето дно имаше подрум, а јас бев скриена во тој подрум.

Бев сигурна дека ако не се разведам, следната станица ќе ми беше Клиничкиот центар, ќе свенев, ќе се разболев.

За среќа, ги имав ќерките, кои ми дадоа сила да сменам нешто“.

Прочитајте и Гласини дека е во врска со Марија Шерифовиќ откако беа заедно на одмор – Која е Јована Пајиќ?

А. Ј. | Црнобело