„Цела година го крие разводот, арогантен е и тежок“ – Што велат соседите за разводот на Милан Калиниќ?

Детали

вторник, 01 октомври 2024

„Тој е успешен, познат, згоден, младите девојки го сакаат тоа. Немам убави зборови за него како сосед. Арогантен е и тежок, додека таа е супержена“ – вели еден сосед за Милан Калиниќ. Тие забележале дека нешто чудно се случува од почетокот на годината.

Речиси сите српски медиуми се преплавени со информации за разводот на српскиот водител и актер Милан Калиниќ и неговата сопруга Сандра.

Со оглед на тоа што тие не даваат изјави и не коментираат за медиумите, соседите се тие што зборуваат и даваат изјави за тоа што е она што го забележуваат.

Според она што го дознале, Милан од почетокот на годинава веќе не живее во семејниот дом, а се преселил во домот на неговата мајка Боба Којовиќ.

Во текот на вчерашниот ден, Милан бил „уловен“ како доаѓа во семејниот дом да го земе помалиот син Вук, а соседите даваат различни изјави за него.

Додека за едни е светец, за други тој е виновен што бракот му се распаднал.

Така, српски Blic ја пренесува изјавата на една сосетка, според која разводот настанал само затоа што неговата сопруга Сандра престанала да му ги премолчува неверствата.

„Во минатото секогаш ги гледавме заедно и беа добро расположени.

Но, јас мислам дека сè додека жената молчи, сè е добро, кога ќе прозбори и ќе забележи некои работи настанува проблем.

Тој е успешен, познат, згоден, младите девојки го сакаат тоа.

Немам убави зборови за него како сосед. Арогантен е и тежок, додека таа е супержена“ – вели еден од соседите.

Тој вели дека забележал дека Калиниќ веќе подолго време не живее во семејниот дом, затоа што неговиот џип не е паркиран таму, а редовно доаѓа да си ги види децата.

„Доаѓа често со скутерот овде, носи кацига.  Најчесто доаѓа доцна попладне. Седи два, три часа, а потоа го слушам скутерот како си заминува“ – вели соседот.

За другите соседи, пак, Милан е тој што постојано е со децата, додека неговата сопруга ја гледале поретко.

„Тој е семеен човек, секој ден доаѓа по децата, можам да кажам дека е грижлив татко.

Што се однесува до неговата сопруга, таа има свој автомобил, излегува од гаражата.

Не ги гледам заедно.

Тој има свој џип и мотоцикл, своја работа, таа има свој автомобил, така што со месеци не сум ги видел да одат некаде заедно“ – вели другиот сосед.

Според нив, во зградата досега немало расправии ниту инциденти, па никој не знае со сигурност што се случува со актерот и неговата сопруга.

Инаку, во минатото дел од српските таблоиди пишуваа дека сопругата го изневерувала Милан со сопственик на еден ноќен клуб во Белград, но Милан веднаш ги демантираше информациите и рече дека тоа се „будалаштини“.

Засега тој не дава изјави за медиумите околу разводот, но не ги ни демантира информациите, како што тоа го правеше во минатото, кога ќе се појавеше приказна за нивниот наводен развод.

Според многумина ова е доказ дека по 18 години, многу е веројатно еден од најскладните српски парови да одлучил да стави крај на бракот.

Прочитајте и Дипломирал за пилот, не верува во гласините за неверства на сопругата - Факти за Милан Калиниќ

Б. С. Б. | Црнобело