Глумеше во „Не дај се, Нина“, се породи на 40 години – Што прави денес една од најатрактивните српски актерки?

Детали

сабота, 14 јуни 2025

Доби дете на 40 години, таткото на синот го крие од јавноста, зборуваше дека не била подготвена за породување по природен пат, а уште се занимава со глума – што прави и како изгледа денес српската актерка која ја глумеше Патриција во серијата „Не дај се, Нина“?

Се сеќавате ли на хрватската верзија на „Грдата Бети“? Се викаше „Не дај се, Нина“, а беше хит и кај нас кога се емитуваше пред повеќе од една деценија.

Главните улоги ги толкуваа хрватски актери, но меѓу нив беше и српската русокоса Бојана Ординачев, која се прослави со серијата, но се има појавено и во неколку други проекти.

Таа и денес изгледа речиси исто, со својот препознатлив изглед и понекогаш малку променет имиџ, па важи за една од најатрактивните српски актерки.

Приватниот живот се труди да го држи што е можно подалеку од очите на јавноста - партнерот со кој е повеќе од една деценија, вешто го крие и ретко го покажува на фотографии, па ретко кој знае нешто за него.

„Не сум тип на личност која својот приватен живот ќе го изложи на тацна, ниту пак имам таков партнер.

Согласни сме дека мојата работа, што подразбира јавен настан и присуство на јавни случувања, е нешто што нема да има врска со нашето семејство.

Неговата професија е различна, медиумите не го интересираат, ниту го радува нешто поврзано со фотографирање“ – откри таа неодамна во интервју за Story, пренесуваат медиумите. 

Со партнерот Бојана има син, кој го доби во својата 41-ва година, a одвреме-навреме објавува фотки и видеа од слатки моменти со детето.

Момчето денес има 3 години, а актерката за него избрала уникатно и ретко име – Најда.

Во една прилика таа има зборувано и за породувањето, но и за психичката подготвеност:

„Моето породување беше предвидено за 38-мата недела со царски рез, но на бебето му се брзаше и дојде на свет во 36-та недела по целосно природен пат.

Не бев психички подготвена дека тоа ќе се случи на тој начин, но имав поддршка од прекрасна докторка и се породив за 20 минути, па го памтам како најубаво искуство“ - пренесуваат српските медиуми. 

Како изгледа Бојана денес:

М. М. | Црнобело