Јелена Ѓоковиќ слави роденден со семејството во луксузниот стан – ќеркичката Тара ја направила тортата

Детали

четврток, 19 јуни 2025

Ноле ги прегрнува сопругата и децата, сите носат роденденски капи, тортата ја направила малата Тара – Јелена Ѓоковиќ го прослави 39-тиот роденден покрај саканите, во луксузниот стан од 2 милиони евра.

Сопругата на српскиот тенисер Новак Ѓоковиќ, Јелена, го прослави својот 39-ти роденден.

На Инстаграм таа објави семејна фотка со сопругот и двете деца, Стефан и Тара, чии лица ги покри со емотикони.

На фотографијата тие позираат со роденденски капи, додека Ноле ги држи во прегратка, а се подготвуваат за дување свеќички.

Славеничката е среќна и насмеана покрај најсаканите, а носеше маица со тема инспирирана од серијата „Friends“, на која пишува „Онаа во која Јелена го слави својот роденден, а Тара ѝ направила торта“.

Со ова таа откри дека роденденската торта е направена од ќеркичката, а истата е украсена со шлаг, чоколатца и шарени бонбони.

Српските медиуми, пак, пишуваат дека наводно семејството Ѓоковик го слави роденденот на Јелена во нивниот луксузен стан од 2 милиони евра, кој се наоѓа покрај море во Херцег Нови.

Инаку, можеби многумина не знаат, но тенисерот е една година помлад од сопругата, а тој минатиот месец наполни 38 години.

Минатото лето тие прославија 10 години љубов, погледнете го видеото кое тогаш го објави Јелена по тој повод:

M. M. | Црнобело