Американец се вљуби во Балканот и си купи куќа во шума за 5.000 евра - ја реновира сам и e хит на Инстаграм (видео)

Детали

сабота, 05 јули 2025

Џастис Рид од САД ја има посетено и Македонија, а откако Балканот му стана дом си купи евтина куќа среде шума и сега ја реновира од корен. Забавни детали за процесот споделува на Инстаграм...

Џастис Рид од САД, кој веќе неколку години живее и патува низ земјите од поранешна Југославија, е познат по своите видеа во кои ги споделува искуствата од Балканот на Инстаграм.

Но, неговиот последен потфат го претвори во вистинска интернет сензација.

На идеја од пријател, за само 5.000 евра купил напуштена куќа длабоко во шумата во Загорје – без струја, без вода, па дури и без нормален пат дотаму.

Инаку, Загорје е живописен регион во северозападна Хрватска, познат по ридест пејзаж, вински лозја и бањи, со население од околу 300.000 жители.

Патот до оваа евтина куќа бил авантура сам по себе, но обраснатата шумска патека и непристапниот терен не го обесхрабриле. Напротив, решил да започне авантура.

„Ова ќе биде лудо лето“, најави тој во првото видео, започнувајќи серијал што секојдневно го следат милиони корисници.

Рид секојдневно го снима напредокот во обновата на куќата, а неговите видеа привлекоа огромно внимание – некои имаат и милиони прегледи.

Следбениците со воодушевување го коментираат секој негов чекор, а многумина признаваат дека тој им е „позитива на интернет“.

Џастис ја има посетено и Македонија.

Прочитајте и Американец што го обожава Балканот дојде во Скопје и пееше песна од Тоше: „Ако сте од Македонија, ова е за вас“ (видео)

Иако, на почетокот на куќата почнал да работи сам, со тек на време почнале да му помагаат соседите од блиските села.

Пред да стане интернет ѕвезда на Балканот, Рид работел како автомеханичар, а за својата професија снимал видеа на социјалните мрежи уште во 2021 година, каде прикажувал како поправа стари автомобили.

Животот му се променил откако објавил видео за легендарното Југо 45, по што му се јавиле луѓе од Балканот, кои и го поканиле да дојде.

Тој долго пееше балкански песни и снимаше видео содржини за Балканот од САД, но потоа комплетно се пресели тука.

Денес, вели дека Балканот го доживува како свој дом. Најмногу ја сака едноставноста на животот, природата, ќебапите и најважното - луѓето.

„Гостољубивоста и топлината што овде ги доживеав не можам да ги споредам со ништо друго“, вели Рид.

Прочитајте и Американец не може да ѝ одолее на нашата храна - јаде гравче тавче, наздравува со ракија во Скопје (видео)

Погледнете дел од неговите видеа околу реновирањето на куќатa (кликнете на видеата):

Повеќе видеа од процесот на следната страница...