Девојче (5) каснато од поскок во Хрватска речиси ја изгубило ногата: Што да првите ако ја видите опасната змија, што ја има и кај нас?

Како што спомнавме, поскокот е најопасната змија во Европа поради нејзините долги заби, но и јачината на отровот.

Овие змии се лесно препознатливи бидејќи на врвот на носот имаат рокче.

Достигнуваат должина до 95 сантиметри, иако во просек имаат должина од околу 85 сантиметри.

Оваа змија се нарекува и камењарка бидејќи обично живее во предели со карпи и камења, каде нема многу зеленило. Сепак, можат да се најдат на рабови на шумски предели, како и на места каде што има луѓе, поточно на места со обработливо земјиште, лозја, градби со камени ѕидови...

Главно оваа змија е активна во текот на денот, но може да се забележи и ноќе.

Поскокот важи за најотровната змија во Европа и кај луѓето веднаш се забележува реакција по каснување.

Покрај симптомите што ги опишува мајката, се чувствува силна болка, има промена на бојата на кожата на каснатото место, а се јавува и вртоглавица и трнење на екстремитетите.

Ако забележите поскок, важно е никако да не ја провоцирате змијата.

Добрите вести се дека овие змии не се агресивни и ќе пробаат да нападнат само ако чувствуваат закана.

Кога ќе ја здогледате, не ѝ се доближувајте, не ја вознемирувајте и полека оддалечете се од неа.

Доколку змијата сепак ве касне вам или некој друг, важно е веднаш да повикате брза помош. Не пробувајте да го „цицате“ отровот како во некои холивудски филмови бидејќи од ова нема апсолутно никаков ефект и може само да ја влошите ситуацијата.

„Лекот“ за каснување од поскок е противотров и затоа треба веднаш да викнете брза помош.

Секако, најдобро е да избегнувате места каде што може да ја начекате змијата или ако сепак мора да одите (на пример на лозје) бидете особено внимателни.

Спирова С. | Црнобело