Марија Шерифовиќ ѝ приреди роденденско изненадување на Јована Пајиќ (37), со која љубовно ја поврзуваат

Детали

вторник, 13 јануари 2026

„Нека оваа година биде онаа во која се бираш самата себе. Тивко, сигурно, без врева и без оправдувања“, ѝ порача Марија Шерифовиќ (41) на Јована и објави фотка како позираат заедно, а сподели и кадри од роденденското изненадување.

Пејачката Јована Пајиќ го прослави својот 37-ми роденден, а најголемото изненадување ѝ го приреди нејзината најдобра пријателка, за која кружат гласини и дека ѝ е љубовна партнерка, пејачката Марија Шерифовиќ (41), која тајно ѝ организираше роденденска забава.

Јована е со солзи во очите на видеата на Инстаграм, на кои Марија во речиси целосен мрак ја носи на местото каде ги собрала нејзините најблиски пријатели и членови на семејството.

Тие во еден глас извикуваат: „Среќен роденден!“, а Јована е трогната до солзи.

Конфети во форма на срце, па бенд и торта, Марија објави видео од изненадувањето и кратко ѝ порача на Јована:

„Она што не можеш да го замислиш – препушти ми го мене...“

Продолжува на следната страница...