Србинката родена без раце откри дека абортирала: „Докторот виде дека нема развиени горни екстремитети и има срцева маана“

Детали

петок, 06 март 2026

„Мораме да споделиме со вас една тажна вест – го изгубивме нашето бебе во 4-иот месец од бременоста. Докторите забележаа дека нешто не е во ред и ни помогнаа да ја донесеме најтешката одлука. Јас добро знам низ што минував во својот живот и на никого на светот не би му го посакала истиот пат“ - вели „девојката со крилја“. 

Дејана Бачко, Србинката која е позната како „девојката со крилја“, затоа што е родена без раце, објави тажна вест.

Откако неодамна сподели дека го очекуваат нивното второ дете, сега откри дека го изгубила бебето, односно дека морала да абортира.

Во 4-иот месец од бременоста, било откриено дека плодот нема развиено горни екстремитети и има срцева маана.

Во продолжение нејзината емотивна објава:

„Мораме да споделиме со вас една тажна вест – го изгубивме нашето бебе во 4-иот месец од бременоста.

Во вторникот, во текот на редовниот преглед, докторот забележа дека нешто не е во ред. Нашето бебе немаше развиено горни екстремитети, а срцето, иако чукаше, имаше сериозна срцева маана.

Тешко е да се пронајдат вистинските зборови за вакви моменти. Сепак, благодарни сме што докторите навреме видоа дека нешто не е во ред и ни помогнаа да ја донесеме најтешката одлука.

Јас добро знам низ што минував во својот живот и на никого на светот не би му го посакала истиот пат.

Во исто време, бескрајно сме благодарни што имаме една здрава, паметна и прекрасна девојка, која е нашето најголемо богатство. Таа секој ден нè потсетува колку е драгоцен животот.

Ќе ни остане едно тивко сеќавање на оваа борба која заедно ја поминавме.

Ви благодариме на сите на поддршката“.

М. М. | Црнобело