„Те молев, ти се заканував“ - Пријателка на братот на Дарко Лазиќ со емотивна објава за него, пред погребот

Детали

петок, 13 март 2026

„Мајмуне. Ми рече да не те викам така затоа што мајмунот е попаметен од тебе, а јас ти велев, ти зборував, те молев, ти се заканував...“, ја започнува емотивната објава Бранка Милошевиќ, пејачка и добра пријателка на прерано починатиот Драган, кој загина во несреќа со мотоцикл.

Пејачот Дарко Лазиќ денес (13.06) го погребува својот брат, Драган Лазиќ (32), кој трагично загина на 11 март во сообраќајна несреќа со мотоцикл кај Шабац.

Ова е најтажниот ден во животот на пејачот, а Дарко со сопругата Катарина прво беа во домот на неговиот брат, па на местото кое ќе биде негово вечно почивалиште, каде се и српските медиуми.

Прочитајте и Спиел со преку 350 жени, има деца со 3 од нив - Кои се најголемите љубови на Дарко Лазиќ?

Српските медиуми ги пренесуваат зборовите на скршениот Дарко:

„Да го испратам мојот батко како што треба“.

Инаку, со многу потресни зборови, пред погребот, од Драган Лазиќ се прости и неговата колешка и пријателка - пејачката Бранка Милошевиќ, која сподели нивна заедничка фотографија.

Таа се фокусира на стилот на живот на Драган, кој бил воден од страст, импулсивност и желба за возење мотоцикли и за кој таа самата често го предупредувала.

Таа откри дека биле добри пријатели, а веста за неговата смрт многу тешко ја поднела.

Бранка му посвети емотивна објава на Драган:

„Мајмуне. Ми рече да не те викам така затоа што мајмунот е попаметен од тебе, а јас ти велев, ти зборував, те молев, ти се заканував...

Се сакавме, се гушкавме, се каравме, се мразевме, се поддржувавме...

Бевме како нокт и прст, а понекогаш далечни како два универзуми.

Идиоту, лута сум, знаеш кога сум јас лута. Знам дека не сакаш кога сум лута, тогаш ни ти не можеш да се смееш, затоа што те мрачам, и го чувствуваш тоа иако ништо не ти кажувам.

Будало, секогаш ти велев – Бог ти дал сè, а само памет не... Толку сум лута.

Не требаше вака, ми вети дека ништо нема да ни се случи, дека сме неуништиви. Толку сум лута!“

Прочитајте и „Изгубив половина срце“ - Дарко Лазиќ скршен по смртта на брат му (32), кој беше пејач, со прекрасна сопруга и 2 ќерки

С. С. | Црнобело