Братот и снаата на Теодора Џехверовиќ сите пари ги вложиле во Дубаи, мајката вели: „Им реков да се вратат ако заостри“

Детали

сабота, 07 март 2026

„Тој ризикуваше кога се пресели, ги вложи сите пари што ги имаше. Јас пробувам со нив да ја свртам на шега, да се присетиме како беше кај нас бомбардирањето, Теа тогаш беше мала. Се држат храбро, ако заостри, им реков нека се вратат во Србија и тоа е тоа“ - вели мајката на Теодора Џехверовиќ за синот Сава кој живее во Дубаи со сопругата Адријана Кадар и ќеркичката. 

Братот на Теодора Џехверовиќ, Сава, заедно со неговата сопруга Адријана Кадар и нивната ќеркичка Доротеа, веќе подолг период живеат во Дубаи.

Сава работи како агент за недвижности, а Адриана е инфлуенсерка, снима влогови и целосно е посветена на чување на ќеркичката.

Во екот на воениот конфликт, тие на Инстаграм постојано објавуваат дека наводно ситуацијата е мирна и нема простор за паника, како и дека изминатите денови ги поминале на базен и на детски игралишта.

Сепак, состојбата е сериозна и додека некои пишуваат дека е мирно, други сепак имаат блага паника, но жителите таму се многу внимателни што објавуваат јавно, бидејќи може да се соочат со казни за лажни вести, додека елитните богаташи го напуштаат градот.

Прочитајте и Елитата плаќа и до 300.000 евра за бегство од Дубаи – зошто инфлуенсерите тврдат дека сè е во ред?

Мајката на Сава, за српските медиуми открила дека секојдневно се слуша со семејството кое наводно сите свои пари ги вложило за преселбата и животот во Дубаи.

Прочитајте и Парот од Србија, прогласен за контроверзен, се пресели во Дубаи: „Сè е прескапо, дали донесовме правилна одлука?“

„Се слушаме секој ден, три-четири пати во текот на денот. Војна како војна, на никого не му донела ништо добро.

Но кај Сава ситуацијата е безбедна, нема да гаѓаат цивили. Нема страв, нормално луѓето се малку загрижени, но јас пробувам да ја свртам на шега, да се присетиме како беше кај нас бомбардирањето, Теа тогаш беше мала.

Во некои клучни моменти, јас сум многу силна, нема страв, паника, погрешни потези, тогаш сум смирена и темелна. Теа тогаш беше мала, луѓето одеа по подруми, јас тоа го прикажав дека така мора, сите заедно бевме дома.

Бев шокирана за ситуацијава сега, бев во Дубаи и знам каков град е, не може човек да поверува дека тоа се случи.

Сава ризикуваше кога тргна во Дубаи, ги вложи сите пари кои ги имаше во тој нивен проект. Тие одат на базен, на игралиште, се движат.

Има луѓе кои се во паника, а тие се доста стабилни, се држат храбро, ако се заостри, им реков нека се вратат во Србија и тоа е тоа“ – изјавила Гоца во емисијата „Pitam za druga“.

И Теодора за медиумите изјавила дека е постојано во контакт со брат ѝ, дека некои денови со часови се вклучени на видео повик за да се уверат дека е мирно и во ред.

М. М. | Црнобело