Николина Пишек се смири со свекорот, кој ѝ забрани да влезе во станот во Белград каде што живееше со починатиот сопруг

Иако Пишек не даде никаква јавна изјава, нејзиниот свекор откри дека воделе тежок разговор, но дека тоа морало да се направи и дека работите сега се во ред меѓу нив двајцата.

Според медиумите, тие прво се сретнале во Загреб и разговарале со часови, а откако се смириле, Николина дошла на еден ден во Белград.

„Ги решивме семејните проблеми. Не беше лесно, но беше неопходно. Сфативме дека нема смисла да продолжуваме со ‘војната’.

Бевме заедно и на гробишта, таа дојде во Белград. Однесовме убаво цвеќе.

Дознав и дека таа постојано испраќа цвеќе за на гробот на Видоје и тоа ме трогна.

Ова ми го потврдија и луѓето што работат тука во погребалното претпријатие. Тоа кажува повеќе од зборови. Сè што беше, сега е зад нас“, рекол тој.

За потсетување, Гроф тврдеше дека Николина ги сака само парите од неговиот син, и го спореше наследството што Николина велеше дека ѝ припаѓа, тврдејќи дека целиот имот гласел на негово име, а дека Видое немал ништо што би ѝ оставил.

Најголемиот спор се водеше околу станот од 400 квадрати, во елитната белградска населба Врачар, во зграда од 1930-тите години, на два ката, а за кој Пишек своевремено изјави дека потсетува на музеј, но долго време живееше во него со сопругот и ќерката.

А. Ј. | Црнобело