Ана Николиќ објави фотки од свадбата со Раста, 8 години по разводот - коментираат дека уште го сака

Детали

вторник, 28 јули 2026

Ана објави неколку фотографии од тајната венчавка со Раста, која се случи на 28 јули 2016, односно на денешен ден пред 10 години, иако и двајцата имаат нови партнери. „Ана ти него го сакаш толку многу, што не е нормално. Никогаш нема да го преболиш“, „Зошто си го правиш ова на себе?“ - се дел од коментарите. 

Ана Никлолиќ, која своевремено важеше за една од најдобрите српски пејачки, веќе неколку години привлекува повеќе внимание поради скандалите во приватниот живот, отколку поради кариерата.

Таа во изминатиот период е (или беше) во врска со композиторот Горан Ратковиќ Рале, со кого наводно се вери, па се венча, па тврдеа дека немало свадба, се пријавуваа во полиција за насилство, па се смируваа, живееја заедно, си ги исфрлаа алиштата од дома пред очите на соседите, потоа објавуваа фотки на кои делуваат како заљубен пар, па следеа нови караници и јавни обвинувања на едниот против другиот, закани и слично.

И додека трае драмата меѓу љубовниот пар, Ана ја изненади јавноста со последното видео споделено на Инстаграм.

Таа објави неколку фотографии од тајната венчавка со Раста, која се случи на 28 јули 2016, односно на денешен ден пред 10 години.

Меѓу фотографиите од свадбата е и една од пред болница, кога Раста ги зема Ана и нивната штотуку родена ќерка Тара од породилиштето.

Видеото споделено на 10-годишнината од нивната венчавка предизвика бројни коментари меѓу нејзините следбеници, посебно што Ана и Раста се разведоа во 2018 година и не се во добри односи.

Таа е во врска со Рале, додека Раста подолго време има девојка, па некои коментираат дека потегот на Ана е бизарен.

Во коментарите едни ја поддржуваат, други сметаат дека објавата е непотребна:

„Ана ти него го сакаш толку многу, што не е нормално. Никогаш нема да го преболиш“

„Денот кога се осуди самата себе на најголемата пропаст. Ѝ го упропасти животот“

„Зошто си го правиш ова на себе?“

„Оваа жена уште сака“

„Постојат љубови кои секогаш болат. За жал оваа љубов ја уништи неа. Го сакаше искрено, а од разделбата се бори самата со себе“

„Не ѝ судете. Секој го носи својот крст како знае и умее“.

Кликнете и погледнете го видеото:

А. Ј. | Црнобело