Северина (48): „По секс снимката 6 месеци не излегов од дома, браво за Милена Радуловиќ и Даниела Штајнфелд“

Детали

петок, 16 април 2021

За порно снимката од 2004 година Северина отворено вели дека до ден денес луѓето кога немаат што да ѝ кажат го споменуваат тоа несреќно видео снимено на брод.

Фото: Инстаграм Северина

Северина е позната личност која сака отворено да говори за работите кои се навистина важни во општеството. Таква кај нас е актерката Весна Петрушевска, која за разлика од многу познати личности, не премолчува кога се случува неправда и има за цел да ја поткрене јавната свест за одредени работи.

Северина во интервју за српскиот магазин „Nedeljnik“ проговори на тема сексуално насилство и злоставување и за исповедта на храбрите Милена Радуловиќ и Даниела Штајнфелд.

„Сите луѓе се политични и оние кои кажуваат дека не се и дека тоа не ги интересира. Па, како да не те интересира ако некој во станот до твојот претепува дете или силува некоја жена? Некој навредува хомосексуалец и функционира ли правната држава за злосторствата од омраза јавно да ги осуди и да ги казни соодветно?“, вели Северина во интервјуто за Nedeljnik.

Потоа таа го пофали потегот на Милена Радуловиќ и Даниела Штајнфелд, кои одлучија јавно да проговорат за сексуалното злоставување кои го доживеале.

„Сечиј живот е богат со луѓе, идеи и потоа некој го руши тој твој свет, живот, достоинство и не знаеш веќе дали си жртва или соучесник затоа што се плашиш дека твоето молчење ќе предизвика сомнеж, а тебе само ти е страв. Затоа што за тоа не се говори. Не јавно.

Голема е храброста и на Милена Радуловиќ и на Даниела Штајнфелд и на Мерима Исаковиќ. Тоа е големо олеснување за сите жени. Во Хрватска тоа покрена лавина на факултетите, особено на Академијата за драмски уметности. Се отвори јавен простор да се говори за тоа. Ете од една земја се прели во цел регион. Затоа што принципот е ист, сето останато се нијанси. Тоа е навистина голема работа.“

Потоа таа во интервјуто раскажува како била шокирана кога во јавност протекла нејзина експлицитна снимка во 2004 година со нејзиниот тогашен партнер Милан Луциќ, иако многумина ја обвинуваа дека самата го пласирала видеото како реклама за себе.

Северина отворено говори дека никогаш не сакала нејзиниот интимен живот да излезе пред очите на сите, дека тоа ѝ било ужасно тежок период, но дека го преживеала. Таа вели дека до ден денес луѓето кога немаат што да ѝ кажат го споменуваат тоа несреќно видео снимено на брод.

Хрватската дива во тој период најголема поддршка добила од мајка ѝ и од една пријателка кои гледале само да ја засмејат, но и искрено кажува дека тогаш не излегла 6 месеци од дома.

С. С. | Црнобело