Се огласи за Петар Грашо + факти за односот на Данијела Мартиновиќ и семејството на неговата нова девојка
- Детали
- петок, 26 ноември 2021
„Разделбата со некој што го цениш и почитуваш е несфатлива, но најлошо и најопасно е да останеш во врска заради страв или обврска“- вели хрватската пејачка Данијела Мартиновиќ која минатата пролет ја раскина 24-годишната врска со Петар Грашо.
Данијела Мартиновиќ (50) е хрватска поп-пејачка позната по хитовите „To malo ljubavi“, „Pleši sa mnom“, „Neka mi ne svane“, а периодов е мошне актуелна во балканските медиуми по веста дека ја раскина долгогодишната врска со музичарот Петар Грашо (45).
Петар и Данијела беа заедно од 1997-мата година, а во мај годинава, по 24 години минати заедно, тие се разделија.
Прочитајте повеќе - Заедно беа од далечната '97-ма и не застанаа пред олтар – Љубовта на Петар Грашо и Данијела Мартиновиќ, кои се разделија по 24 години
Само 4 месеци по раскинувањето на врската со Данијела, медиумите почнаа да пишуваат дека Петар Грашо е во врска со 14 години помладата Хана Хуљиќ, ќерката на Тончи Хуљиќ, која пејачот ја знае уште од дете.
Данијела во ексклузивно интервју за магазинот Gloria ја отвори душата и проговори за раскинувањето и за нејзината врска со пејачот.
„Не можете да го избегнете мигот што е неизбежен. Постои непишано правило дека врските се завршуваат драматично, но кога си со некоја личност што ја почитуваш и ја цениш, тогаш разделбата е уште понесфатлива“ – вели таа, пренесува vecernji.hr.
Таа додава дека се случува некогаш нештата што на некои личности им биле важни, со текот на годините да им станат неважни, па да се свртат кон нештата што повеќе ги радуваат.
„Кога тоа ќе се случи во врската најчесно и најискрено е секој да продолжи да се развива во сопствена насока и во сопствен ритам.
Ако одлуката се донесе во вистинскиот миг, обостраната почит и благодарност остануваат. Мислам дека е најлошо и најопасно да останеш во врска заради страв или обврска“ – вели таа.
Данијела ова лето го прослави својот 50-ти роденден, а додека во хрватските медиуми се појавуваат вести за Петар и неговата нова девојка Хана, за Дaнијела се пишуваше дека е во наводна врска со некој маж од Австрија.
„Навистина? Блазе си ми! Не знаев, баш убаво што ми кажавте“ – одговори таа на ова прашање.
По веста за врската помеѓу Петар и Хана, се поставува прашањето - во какви односи се Данијела и семејството Хуљиќ?
https://www.instagram.com/p/CVxjuERMDSb/?utm_source=ig_web_copy_link
Данијела Мартиновиќ речиси целата своја кариера била мошне блиска со семејството Хуљиќ. По нејзиното појавување на хрватската музичка сцена во 80-тите години, Тончи ѝ понудил да пее со групата Magazin по заминувањето на Лилјана Николовска.
Во периодот од 1991-та до 1996-та година Данијела била дел од групата Magazin и заедно снимиле три албуми.
Новата девојка на Петар, Хана, се појавува во еден од видео-спотовите на групата Magazin во периодот кога пеела Данијела. Хана во тој период била мало девојче.
Во 1995-та година Данијела стапила во брак со пејачот Марко Перковиќ Томпсон, но по три години се развеле.
Во 1997-ма година кога стапила во врска со Грашо, тие двајца долго време ја криеле врската од јавноста, а никогаш во долгите години додека биле заедно, тие двајцата не стапиле во брак.
https://www.instagram.com/p/COgTRflL1Cd/?utm_source=ig_web_copy_link
Данијела и Петар се запознале преку Тончи Хуљиќ, кој во тоа време го повикал младиот Петар да свири во Magazin на неговото место.
Данијела и Грашо долги години живееле заедно во поткровје во Загреб, а низ годините семејството Хуљиќ често биле нивни гости. Денес Данијела живее сама во станот.
Дел од балканските медиуми, повикувајќи се на изјави од соседи и блиски, шпекулираат дека врската помеѓу Петар и Хана траела многу подолго.
Сега по завршувањето на 24-годишната врска Данијела вели дека е подготвена за нов почеток на 50 години и да сврти нов лист.
Б. С. Б. | Црнобело
Би можело да ве интересира:
Препорачуваме
Најчитани неделава
