Петар Грашо потврди дека неговата 14 години помлада девојка е бремена - Данијела Мартиновиќ не остана рамнодушна

Петар Грашо и неговата 14 години помлада девојка ќе станат родители. Убавите вести ги потврди и Петар, а се огласи и неговата поранешна партнерка Данијела Мариновиќ со која раскина по 24 години врска.

petar-grasho-potvrdi-deka-negovata-14-godini-pomlada-devojka-e-bremena-danijela-martinovikj-ne-ostana-ramnodushna-01.jpg

Хрватскиот пејач Петар Грашо (45) и неговата 14 години помлада девојка Хана Хуљиќ (31) ќе станат родители.

Хрватските медиуми веќе подолго време шпекулираат дека ќерката на Тончи Хуљиќ е бремена, а сега веста ја потврди и самата Хана. Таа даде кратка изјава за Jutarnji list и рече:

„Информацијата е точна, среќни сме и возбудени, но не сакам ништо да коментирам. Би сакала некои работи да останат приватни“ – рече таа.

Хрватските медиуми пренесуваат дека Хана е во 12-тата недела од бременоста, а среќната двојка убавите вести им ги соопштила на членовите од потесното семејство за Божиќ.

Информацијата ја потврди и лицето за односи за јавност на Петар Грашо, која рече:

„Информациите за бременоста на Хана Хуљиќ се точни. Семејството и пријателите се мошне среќни. Како што знаете Хана и Петар секогаш ќе се обидуваат својата приватност да ја сочуваат подалеку од очите на јавноста. Нeмаат планови за венчавка“.

Веќе подолго време се шпекулираше дека Хана и Петар очекуваат дете, а Петар неодамна ги отфрли таквите пишувања па рече:

„Првпат слушам за тоа. Како и многу други информации за кои се пишуваше овие денови, ниту оваа не е вистинита. Тончи Хуљиќ, таткото на мојата девојка, откако ја напиша ’Поп Мисата‘ стана уште попримерен и им забрани на децата да прават што било пред брак“.

За потсетување, Петар Грашо 24 години беше во врска со пејачката Данијела Мартиновиќ. Тие врската ја прекинаа во мај минатата година.

Само неколку месеци подоцна тој ја започна романтичната врска со ќерката на неговиот добар пријател Тончи Хуљиќ, Хана, која е 14 години помлада од него и која ја знае уште додека била дете.

По веста за бременоста на Хана, се огласи и Данијела Мартиновиќ на својот Инстаграм профил, објавувајќи цитат, кој многумина протолкуваа дека се однесува на целата ситуација со нејзиниот поранешен партнер. 

„Каков би бил светот, ако некои големи луѓе низ историјата се откажале затоа што никој не бил ниту покрај, ниту пред нив да им ракоплеска. Сепак историјата ја менуваа поединци, а не групи и глутници“.

hana-huljikj-e-bremena-otkako-prethodno-petar-grasho-izjavi-deka-tatko-i-ne-im-dozvoluva-seks-pred-brak-02.jpg

Во минатото Данијела говореше дека за неа мајчинството е мошне тешка тема, дека многу би сакала да стане мајка, но, го прифатила и фактот дека може да биде среќна ако тоа никогаш не се случи.

Прочитајте и Се огласи за Петар Грашо + факти за односот на Данијела Мартиновиќ и семејството на неговата нова девојка

Б. С. Б. | Црнобело

Би можело да ве интересира:

Српски политичар на 67 години очекува дете со својата 36 години помлада сопруга (фото) Таа го запросила на неговиот 60-ти роденден, а сега, по 6 години брак, парот го ...
Гласини дека партнерот ја изневерува, 4 деца на 31 година - факти за филмската ќерка на Никола Којо ... По едногодишната врска со синот на познат српски нарко-бос Мирка (31), беше во в...
Петар Грашо и 14 години помладата девојка закажаа свадба (со Данијела Мартиновиќ 24 години беше прот... „Не е важно колку брак има меѓу двајца луѓе, туку колку љубов има меѓу нив“ – Пе...

Најчитани неделава

sonovnik-sidebar.jpg