Каролина Гочева со два стајлинга, Дејан Миличевиќ со натпис на интимата: Модата на регионалната манифестација „MAC“ (фото)

Детали

четврток, 26 јануари 2023

„Гордост наша“ е коментарот на македонскиот пејач Александар Јосифовски кој во белградската арена го проследи спектакуларниот настап на нашата Каролина Гочева. Кој беше најскандалозен, а кој блескаше? Во какви модни изданија се појавија регионалните ѕвезди?

Вчера (25.01) започна најголемата музичка манифестација во регионот „Music Awards Ceremony“ (MAC) во Штарк арената во Белград.

Во улога на водители се појавија мултиталентираната актерка Јелена Гавриловиќ, која е позната по своите експерименти и во музичките води, заедно со музичкиот маг – еден од најпознатите музичари, композитори, текстописци и музички продуценти Тончи Хуљиќ

Првиот ден од настанот беше повеќечасовната церемонија на доделување на награди и низа сензационални настапи, а тоа нè очекува и во втората.

Вечерва (26.01) ќе се одржи втората вечер од настанот на која ќе имаме друг водителски пар, односно Мими Мерцедез и Војаж ќе ја водат церемонијата на вториот ден.

Идолот на новата генерација и моментално најслушаниот артист на Балканот, Михајло Веруовиќ – Војаж вели дека никогаш не се нашол во улога на водител и вели дека тоа му е вистински предизвик.

На сцената вчеравечер се појави нашата поп дива Каролина Гочева, која ја видовме во два стајлинга и имаше спектакуларен настап.

Во публиката меѓу присутните беше и нашиот пејач Александар Јосифовски, кој се прослави со пласман во финалето на музичкото шоу „Ѕвездите на Гранд“.

Се разбира, таму беа и пријателите и соработници на Каролина, Александар Билјановски - Дадар и фризерот Октај Сејди.

Во елегантно издание меѓудругите ги видовме и пејачките Јелена Розга и Гога Секулиќ, а најскандалозен дефинитивно беше Дејан Миличевиќ со перика на главата и натпис на панталоните кај интимата, кој гласи: „Дисциплина“.

Петар Грашо имаше спектакуларен настап, му се оддаде посебна почит на починатиот Масимо Савиќ, а Констракта ја зема главната награда.

Како изгледаа ѕвездите на настанот:

Каролина Гочева

Александар Јосифовски

Јована Квржиќ

Јелена Розга

Гога Секулиќ и Дејан Миличевиќ

Сара Јо

Дуња Јованиќ

 С. С. | Црнобело / фото: Инстаграм