Алекса Перовиќ ќе се натпреварува во шоуто „Survivor“ - предизвик среде џунгла во Доминиканската Република

Детали

вторник, 28 февруари 2023

„Прв натпреварувач кој ќе биде дел од новата сезона е Алекса Перовиќ, некогашен учесник на шоуто X-фактор Адриа и Ѕвездите на Гранд, каде е избран за најдобар натпреварувач според гласовите на жирито...“, најавија од Survivor 2023, за пејачот кој неодамна се раздели со сопругата.

Алекса и дел од другите натпреварувачи за 2023-та

По огромниот успех на минатогодишното издание, повторно ќе го гледаме српско-хрватското реално шоу „Survivor“.

Напреварувачите од овие земји во сурови услови среде џунгла во Доминиканската Република ќе се натпреваруваат и ќе ја мерат својата физичка, но и психичка сила.

Првиот член на српскиот тим кој беше претставен е Алекса Перовиќ од Краљево.

Тој се прослави на само 17 години во регионалното музичко шоу „X Фактор“, истата година кога се натпреваруваше и нашиот Даниел Кајмакоски, а сега е сопруг и татко на 2 деца, но неодамна откри дека работите во неговиот брак не одат најсјајно и се разделуваат со сопругата.

На Инстаграм профилот на шоуто од страна на Србите беше објавено:

„Прв натпреварувач кој ќе биде дел од новата сезона е Алекса Перовиќ, некогашен учесник на шоуто X-фактор Адриа и Ѕвездите на Гранд, каде е избран за најдобар натпреварувач според гласовите на жирито.

Сепак, музичката сцена не е исто што и дивината во Доминиканската Репулбика, па за Алекса новата авантура во оваа егзотична земја ќе биде вистински предизвик.“

Претставувањето на Алекса Перовиќ:

Запознајте ги сите натпреварувачи за 2023 од српскиот тим:

Потсетете се на минатогодишното шоу, каде второпласирана заврши некогашната кошарка Милица Дабовиќ, a на првото место се најде истрајниот и ведар Стефан Невистиќ, вработен во Црвен Крст.

Ако гледавте лани, тестирајте се со овој квиз „Survivor“ квиз: Колку внимателно го гледавте ова натпреварувачко шоу?

С. С. | Црнобело