Дечко од Тетово ја запроси саканата на крузер додека крстареа низ Италија, Шпанија и Франција (фото)

Детали

четврток, 11 мај 2023

„Запросувањето беше за време на нашето крстарење од 8 дена каде ги посетивме Италија, Шпанија и Франција. Крузеров е магичен, воодушевувачки е секој дел во него и искрено пресреќна сум што запросувањето се случи токму тука, на мојот омилен датум 9-ти мај, по 9 години врска“, вели Ивона (25) од Тетово за CRNOBELO.com.

Ивона (25) од Тетово, дизајнер за внатрешно уредување и основач на Iv.s.arts брендот за уметнички слики, беше запросена од страна на својот сакан Никола (27), исто така од Тетово, по професија дизајнер на игри.

Никола ја запроси по 9 и пол години врска за време на нивното крстарење со крузер.

За CRNOBELO.com Ивона открива детали за запросувањето:

„Во врска сме 9 и пол години, 9-ти ни е омилен датум, бидејќи на 9-ти јануари 2015-та ја започнавме нашата врска, а сега на 9-ти мај се случи најубавиот ден за двајцата.

Запросувањето беше за време на нашето крстарење од 8 дена каде ги посетивме Италија, Шпанија и Франција.

Крузеров е магичен, воодушевувачки е секој дел во него и искрено пресреќна сум што запросувањето се случи токму тука, бидејќи е навистина незаборавно искуство, а ова ќе го помниме како едно од нашите најубави заеднички патувања, дефинитивно“.

©CRNOBELO.com Забрането преземање и копирање. Крадењето на авторски текстови е казниво со закон.

Симона Симионова | Црнобело